د بەرنامێ وی دایە سترانەكێ ب كرمانجی بێژیت
هەرهین محەمەد:
سترانبێژ (فەرمان هەورامی) د دیدارەكێ دا بۆ رۆژناما ئەڤرۆ دیار كركو نوكە ئەو مژولی چێكرنا كلیپەكێ یە ب شێوازەكێ نوو كو سترانەكا هەورامی یە تێكەلی مۆزیكا جاز كریە و دبیتە كلیپا من یا حەفتێ و ژ تۆماركرنێ ب دووماهی هاتیە و ل بەرە ل نێزیك بهێتە وێنەكرن.
فەرمانی گۆت: د بەرنامێ من دایە كلیپەكێ ب كرمانجی چێكەم و هەورامی تێكەلی ئێك بكەم و دبینم دێ تشتەكێ جوان دەركەڤیت ژ بۆ سترانا دوقۆلی من هزر د دەنگێ هونەرمەند (ژیندا گەنجۆ) دا كریە و دبینم دێ دەنگیً من و وێ ل گەلك گونجیت و هەتا نوكە من ئەو هەڤنیاسینە ل گەل هونەرمەندێن دەڤەرا بەهدینان نە بوویە و حەز دكەم هەموویان بنیاسم و هەموو ژی خودان دەنگێن خۆشن و من ب خوە ژی حەزا سترانا كرمانجی هەیە، بەلێ گەلەك جاران ئەز د هندەك پەیڤان ناگەهم و بەرۆڤاژی ژی هەكە كرمانجی ژی گوهداریا سترانا هەورامی بكەن راستە بۆ گوهداریكرنێ یا خۆشە بەلێ تێ ناگەهن چ دبێژن و سترانان دبێژم ژبەركو حەزا من و دبیت هەبن سترانان بێژن ژبۆ بەرنیاسبوونێ و دەستڤە ئینانا داهاتەكی.
