ئەو شەڕ دنەخوەش بوون دەمێ هەڤالێن مە شەهید دبوون
دیدار، سالار محەمەد دۆسكی:
پێشمەرگێ شۆڕەشا ئیلۆن و گولانێ (تاهر فەتاح ئوسمان) خەلكێ گوندێ بۆتی یە ل دەڤەرا ئامێدیێ، ل سالا 1955 ژ دایك بوویە و خواندنا خوە هەتا قوناغا چارێ سەرەتایی خواندیە ژ بەر كاودانێن وی سەردەمی نەشیا خواندنا خوە تەمام بكەت.
تاهر فەتاح ئوسمان بۆتی ل دەڤەرا ئامێدیێ، پێشمەرگێ هەردو شۆڕەشێن ئیلۆن و گولانێ سەر ب لژنا ئامێدیێ ڤە د دیدارەكێ دا ل گەل رۆژناما ئەڤرۆ گۆت: ل ژیێ 17 سالیێ مە رێكخستنێن نهێنی هەبوون، و ئەڤە ل دەسپێكا سالێن حەفتێ بوویە و بەردەوام بوویە، وی دەمی كادرەكێ پارتی دیمەكراتی كوردستان ل دەڤەرێ مەسیحی بوو و كەسەكێ گەلەكێ دلسوز و كورد پەروەر بوو، و ناڤێ وی (توماس) بوو مامۆستایێ قوتابخانا گوندێ (بێبادێ) بوو ل گوندێ (بێبادێ) و بەردەوام كوم بوون ل گەل مە دكرن، و حەفتیانە چەند پارتیێن دەڤەرێ ل رۆژێن ئەینی ئەم هەمی كوم دبووین و مە سەرەدانا وی دكر، و كومبوون ل گەل مەدكرن، وی دەمی گەلەك رێكخستی ل گوندێ مە هەبوون، و هەر هەمی بەردەوام دهاتنە كومبوونان و بەردەوام بووین هەتا شكەستنا سالا 1975ێ بەردەوام بووین.
پێشمەرگێ شۆڕەشا ئیلۆن و گولانێ ئەو ژی گۆت: دەسپێكا من ل گەل پارتی ل سالێن حەفتێ دەسپێكێ و بەردەوام بوو، و ل سالا 1974ێ بوومە پێشمەرگە و بابێ من تڤەنگ و دەمانجە بۆ من كڕین، و گەلەك حەز ژ من دكر و بتنێ خواست ژێ دویر نەكەڤم، وی دەمی كاودانێن بابێ من گەلەك دباش بوون، و من گۆتێ هزو و ڤیانا وەلاتی و كوردستانێ چوو د سەرێ من دا و ئەگەر سەرێ من بهێتە لێدان دێ هەر بمە پێشمەرگە ، ل سالا 1974ێ ل گەل دو كەسێن دی بەر ب بارزان چووین و هەر دو هەڤالێن من ڤەگەریان و ئەز چوومە (قەسروماكوسا ) وی دەمی بارەگایێ(حسێن مارونیسی) ل دەڤەرێ بوو ئێك هەبوو دگۆتنێ (مكائیل یێ ئەلكیشكی یە، ل گەل شوكری) من گۆتێ ئەز هاتیە ببمە پێشمەرگە، و كیڤە تڤەنگان ددەن و ئەم چووینە دەف ( مەلا حسێنێ ماروینسی) خودێ ژێ رازی بیت و جەنابێ وی گۆت بابو تویێ بچویكی من گۆتێ نەخێر ئەزێ مەزنم، و حەز دكەم ببمە پێشمەرگە و گەلەك بوو من ئاخفت و بەحسێ ماندیبوونا پێشمەرگە كر، كو گەلەك جاران برسی بن و گەلەك جاران بریندار دبن و و دهێنە شەهیدكرن، و هەر چ دگۆت من دگۆتێ هەمی بلا ئەزێ هاتیم ببمە پێشمەرگە، و هەر هەمی من قەبوولكرم و كەسەك دی هەبوو بناڤێ (وەلید میسا رەشی) خودێ ژێ رازی (حسێن ماروینسی) گازیكرێ و گۆتێ ئەو ئامر فەسیلێ من ژ چەك كری و دەرخستی هەرە چەكێ وی بینە بدە ڤی گەنجی، و تڤەنگەگا لاو دامن و (20) دینار ژی دانە من، گۆت هەرە بخوە رەختا بكرە و ئێكسەر ئەم چووینە دەڤەرا (دولە رەقێ) و هەر هەمی ب پیابوو، ئێكەم شەرێ پشكداربوویم ل دەڤەرا (دولە رەقێ) بوو ل پشتا (رانیا) و هەتا بوهارێ ماین و ئەو بوو نەكسویا 1975ێ ب شۆڕەشا كوردی شكەست..
هەمان پێشمەرگە ئەو ژی گۆت: دماوێ خزمەتا پێشمەرگەتیێ دا گەلەك شەر و داستانان پێشكدار بوویمە و رەنگە گەلەك ل بیرا مە نەمابن و ژ وان شەرێن پشكداربووین و ل بیرا مە ماین وەك شەرێ( كانی ماسێ، دو جاران فرۆكخانا بامەرنێ، فەوجا بێبادێ، دێرەلوكێ، شرتێ) بتنێ ئەڤە داستانێن مەزن بووینە و ژبلی رەبیێن دوژمنی هاین كەمینە مە دانابن و من نەڤێت گەلەك بەحسێ خوە بكەم و مەتحێن خوە بكەم و مخابن ئەوێن چنە كرین ئەوا كوردینی خوار و قارەمان و شۆڕەشگێر هاتینە ژبیركرن.
هێشتا گۆت: ئەو شەر دنەخوش بوون دەمێ هەڤالێن مە شەهید دبوون و ئەو شەرێ بوومە خوش بوو دەمێ ئەم دبێ زیان باینە، و مە چ شەهید نەدابانە وی دەمی زووقێ مە گەلەكێ خوش بوو، و بەرۆڤاژی ئەگەر مە شەهید دابانە وی دەمی گەلەك دل نەخوش بووم، ژ بەرهەڤالێن خوە چونكە مە گەلەك هەڤال و قارەمان ژ دەست داینە، و پێخەمەت ئازادی یا ئەڤرۆ و بیرا من دهێت ئەم هەمی دبن بەتەنیەكێ ڤە دنڤستن، و ئەم 14 پێشمەرگە بووین و بتنێ مە كوپەكێ چایێ هەبوو، و مە هەمیان فرەك لێدا و ئەگەر ئەڤ هەڤالەك شەهید ببن ما چەوا دلێ مرۆڤی نە سوژیت یان چەوا ئەڤە دێ ژ دلێ مرۆڤی هێتەدەر.
هەمان پێشمەرگێ شۆڕەشێن ئیلۆن و گولانێ دیاركر، كو دژیانا خوە یا پێشمەرگایەتیێ دا گەلەك جاران بریندار بووینە وەك (سەرێ حەمێ، دەرجكێ، سەفین، بامەرنێ)، چار جاران بریندار بوویمە.
هەمان پێشمەرگێ شۆڕەشێن ئیلۆن و گولانێ ئەو ژی گۆت: داستانا كانی ماسێ مە دو شەهید دان(محەمەد سالح بوتی و یوسف كوچەر) دووڤدا چەند رۆژان شەری كێشا و هندەك هەڤالێن دی ل شەهید بوون وەك (نەبی هروری و سفی بێدوهی) بوو.
هێشتا گۆت: مللەتێ كورد بگشتی و مللەتێ بەرواری و دەڤەرا بەرێ گارەی ب تایبەتی تەخسیری ل گەل پێشمەرگەی نەكریە، وەك هاریكاری و ژنكێن وان وەك خویشكێن مە بووینە و گەلەك چاڤدان ل مە كریە، و هەر دەم جانتێن مە تژی نان دكر و ئەم چووین مە ل رەبیادان و مە دستان تۆمار دكرن، و ئەگەر ئەو نەبان ئەم نەشیاین بكەین، ئەگەر ئەو نەبان ئەم نەشیاین چ بكەین، و ئەو مالێن مە بوون و هەتا مە سەرێن خوە ل مالێن وان شووشتن و هەتا جلكێن مە دشووشتن و پێشمەرگێن وی دەمی قارەمان بوو.
هەمان پێشمەرگە گۆت: دەمێ لژنا ئامێدیێ گەلەك كەسایەتی یا بەرپرساتی یا ڤێ لژنێ وەرگرت بوو وەك (سەید سالح، سەید بورهان، محەمە سالح بوتی، تەمەر كوچەر).
هێشتا گۆت: پێشمەرگە گەلەكێ عزیز بوو ل دەف خەلكی و مخابن نوكە ئەڤە نەمایە و دەمێ یێ بریندار ژنەك هەبوو بناڤێ (ئەسما) بوو من ماسی دئینان دا برینا من زیكا چێ بیت و مللەتی شیا روحا خوە بدەتە مە و مللەتی شیا روحا خوە بدەتە پارتی و هەمی پارتی بوون.
ل دووماهیێ پێشمەرگێ هەر دو شۆڕەشا گۆت: گرنگە ل سەر سیستەمێ دروس بچین و دیفچوونا كەسانێن خەبات كرین بهێتەكرن، و كەسانێن شەهیدبووین رێز ل مالبات و كەس و كارێن وان بهێتەگرتن.
