بلند مەهدی: مۆزیكێ چو سنوور نینن
هونەرمەندێ مۆزیكژەن و لێدەرێ قانونێ بلند مەهدی د دیدارەكێ دا بۆ بەرپەرێ هونەری یێ رۆژنامەیا ئەڤرۆ گۆت: من د ژیەكێ بچووك دا دەست ب ژەنینا مۆزیكێ كر و هەموو ژیێ خوە پێشكێشكر، بەلێ مۆزیكێ مرۆڤایەتی و هەستێ نەتەوایەتی و ئارامی پێشكێشی من كرو باوەرناكەم د چ بورارێن دی دا من ئەڤ هەستە ب دەست خوە ڤە ئینابا و پەیاما مۆزیكێ ب رێیا مۆزیكژەنی دهێتە گەهاندن، بەلێ ل دووڤ بیرو بوچوون و هزر و ژینگەها ئەوی دمینت و ل گەل كارتێكرنا دەوروبەران كا دێ ئەو چەند شێت پەیامێ گەهینت.
ناڤهاتی گۆت ژی: مۆزیكا كوردی ب شێوەكێ گشتی مە یا هەی، بەلێ گەلەك یا كێمە، چونكو چ جه نەبووینە خوە لێ بكەنە خودان و ئەوێ مۆزیكێ ل دەڤ خوە ئەرشیڤ بكەن و ب پارێزن و دیسان مافێن ئەوان بهێنە پاراستن داكو نەهێنە دزین و ژبەر ئەڤێ چەندێ دبیم یا بەرب ژ ناڤچوونێ دچیت و سەرەرایی ڤێ چەندێ مۆزیكا كوردی تێكەلی مۆزیكا بیانی دبیت، چونكو مۆزیكێ چ سنوور نین.
