هونەرێ كوردی بەر ب پێشڤە چوویە
عەزیز هەورامی:
ئەكنەرا بەرنیاس (سەمیعە هەلەبجەیی) د دیدارەكێ دا بۆ رۆژناما ئەڤرۆ گۆت: د سالێن بۆری دا ئەم چەند ئەكتەررەك بووین مە فلم و دراما چێدكرن و بینەرەكێ زۆر ب مەڤە هاتبوو گرێدان، چنكو هەتا نوكە ل جادە و بازاری خەلكەك ب وی ناڤی گازی مە دكەن ئەوێن مە رۆل تێدا دیتی و بەردەوام پرسیارا بەرهەمێن نوو ژمە دكەن و ئەم شانازیێ بڤێ چەندێ دبەین.
هەروەسا گۆت: هەتا نوكە من پشكداری د پتر ژ بیست دراما دا كریە، بەلێ د درامایا (رەشەی پۆلیس) دا خەلكەكی ئەز پتر نیاسیم و ئەز دبینم مە ئەكتەرێن باش یێن هەین و هەكە پشتەڤانیا وان بهێتە كرن دێ فلم و درامایێن باش چێكەن و ب دیتنا من هونەرێ كوردی یێ د ئاستەكێ باش دا و بەر ب پێشڤە چوویە.
هەروەسا گۆت: گەلەكا گرنكە جهێن شۆلەژێ میكانیزمەكا باشتر بۆ پشتەڤانیكرنا بەرهەمێن خۆمالی هەبیت و لژتەیەك هەبیت بەرهەمێن باش هەلبژێریت و حكومەت پارێ پێدڤی بۆ دابین بكەت، چنكو بەرهەمێن دۆبلاژكری كارتێكرنا خوە یا خراب یا ل سەر جڤاكێ مە هەی.
