33 سالن سۆپەیێن داران چێدكەت
مشیر عەبدوللا، ولاتیەكێ گوندێ گیرەیە ل دەڤەرا نەهلێ جهەكێ تایبەت ب چێكرنا سۆپێن دارا هەیە، د دیدارەكێ دا بۆ رۆژناما ئەڤرۆ دبێژیت: ئەڤە (33) سالن ئەز ڤی كاری دكەم، ژبەركو خەلكێ مە داخوزای ل سەر سۆپێن دارا هەیە، ب تایبەت ژی خەلكێ دەڤەرا چیایی و دەڤەرێن سار پتر داخوازی ل سەر هەنە.
مشیر دبێژیت: خەلك ل دەڤەرێن جودا جودا ل هەرێما كوردستانێ ڤان سۆپا داخواز دكەن، چونكو هەتا پازدە سالان ژی خوە دگرن،ل سالا 1990 من سۆپە چێكریە هەتا نوكە ژی یێ مای.گۆت خەلكێ كوردستانێ بگشتی حەز ژ سۆپێن دارا دكەن، چونكو هەر د كەڤندا كوردان ل وەرزێ زڤستانێ سۆپێن دارا دانایە و خوە ژ سەرما زڤستانێ پاراستینە.
