هەكە هونەرمەند یێ زەنگین بیت تیڤیێن مە سترانێن وی بەلاڤ دكەن
هەرهین محەمەد:
سترانبێژ (رزگار سەباح) د دیدارەكێ دا بۆ رۆژناما ئەڤرۆ دیاركر كو نوكە ئەو مژوولی چێكرنا سێ كلیپایە و ئێك ژوان ب دووماهیی هاتیە و دو ژی دقوناغا مۆزیكی دانە و كلیپا ئێكی ل سەر شێخ رەوان بارزانی یە، ژ پەیڤ و ئاوازێن عەبدولعەزیز سلێمانە و ل بەرە ل نێزیك بهێنە كلیپكرن و بەلاڤكرن.
ناڤهاتی گۆت: كارێ هونەری دكەم نەكو ژ بۆ ب دەستڤەئینانا داهاتەكی و هەتا نوكە چ داهات بۆ من ژێ نەهاتیە، بەلكو من ژ بەریكا خوە لێ مەزاختیە و سترانان نابێژم دا كو ل سۆشیال میدیایێ دا بەرنیاس بم و سترانێ دبێژم وەكو خزمەت چەند یا بچووك بیت ژی و تشتێ نەجوان دبینم ل دەڤ سترانبێژێن گەنج ئەوە دەمێ ل گەل كچێن مودێل یێن دناڤ سۆشیال میدیایێ دا دەردكەڤن دا كو خوە پێ بەرنیاس بكەت و تیڤێن مە گەلەك جوداهیێ دكەن دناڤبەرا سترانبێژان دا و هەكە هونەرمەند یێ زەنگین بیت تیڤیێن مە سترانێن وی بەردەوام بەلاڤ دكەن و بەرۆڤاژی هەكە یێ هەژار بیت و هەكە هونەنەرمەندەكێ دەنگ خۆش بیت ژی چ گرنگیێ پێ نادەن هەروەسان ژی نەچوویمە دەواتان و من ل بەر نینە ژی بچم.
