كلیپەكا نوو بەلاڤكر
سترانبێژ (ئەركان جەمیل) كو خەلكێ رۆژئاڤایێ كوردستانێ یە، ئەڤە چەند سالن ل وەلاتێ ئەلمانیا دژیت، د دیدارەكێ دا بۆ رۆژناما ئەڤرۆ دیاركر كو بۆ جارا ئێكێ وی سترانەكا دویت ل گەل خانما سترانبێژ (شیلان فەرحان) ل رۆژئاڤایێ كوردستانێ چێكرییە، ل ڤان رۆژێن بری، وی ئەو كلیپا خۆ یا نوو بەلاڤكرییە، د هەمان دەمدا نوكە ئەو كار لسەر تۆماركرنا سترانەكا نوو دكەت و وی لبەرە وی سترانێ ژی كلیپ بكەت.
ناڤهاتی گۆت ژی: هەتا نوكە وی دەه ئەلبۆمێن سترانان و پتری 20 كلیپان و چەندین سترانێن سینگل ژی بەلاڤكرینە، هەروەسا وی كلیپا خۆ یا ئێكێ ل سالا 1987 ێ بەلاڤكرییە، ل گەل هندێ ژی ئەو گەلەك حەز ژ سترانێن فولكلۆری ژی دكەت، هەروەسا ئەو ب رەنگەكێ بەردەوام پشكدارییێ د ئاهەنگ و هەلكەفتێن كوردان دا ل دەرڤەیی وەلاتی دا دكەت و وی لبەرە سترانەكا خۆ ل باژێرێ دهۆكێ ژی كلیپ بكەت.
