ل جهێ ئەشكەنجەدانێ وایرێ كارەبێ دئێخستنە هەردو گوهێن من و ئەز كارەب دكرم
دیدار، هەرهین محەمەد:
1-2
زیندانیێ سیاسی جەمیل مەعروف تەیار، ژدایك بوویێ سالا 1942 ل گوندێ ئیكمالا دوسكیا بۆ ئەڤرۆ گۆت: ئەز چوومە مەقەرێ پارتی سەرا چوونا من حكومەتا بەعس ب من حەسییا و جابا من هنارت و ئەز چوومە ئەوێرێ دوكەسان سكالا ل من كربوو هەتا كو ئەز گرتیم و دانپێدان ب من كر گۆتە من تو چوو بوویە لژنەیا محەلی ل گەلناسكێ من گۆتێ راستە گۆت بۆچی چووی من گۆتێ مرۆڤەكێ مە بر بوو ئەز دووڤرا چووم و ئەوان گوتە من تەخەلەتی كر من گۆتێ پا ئەز ژی چووم من نەزانی و پاشی ئەز برمە جهێ ئەشكەنجەدانێ دو وایرە ئینان وەكو داركێن جلكا ب سەرێ ئەوان وایرا ڤە بوو هەر ئێك ژوان ئێخستە گوهەكێ من و ئەز كارەب كرم، چەندەكێ و دوو رۆژان ئەز مامە ل بەلدێ و رۆژا سیێ ئەز ڤە گوهاستمە رێڤەبەریەكێ ل زیندانێ و ئەز چوومە دەرگەهێ زیندانێ من نسرەت بادی دیت یێ هەلاویستی بوو بتنێ دەمێ خوارن دخوار دەستێن ئەوی دڤەكری بوون، وەكو دی هەریێ هەلاویستی بوو ئەز ب ژوور كەفتم ئەو ژورە گەلەك یا بچیك بوو، بەلێ گەلەك مرۆڤ تێڤەبوون و رۆینشتمە خوارێ كەسەك تێڤە بۆ دگۆتنێ حەجی حسێن یێ ناڤدارا بوو ئەو هەموو زیندانی ل من كومڤە بووم گۆتێ تو سەرا چ گرتی من گۆتێ ئەز ژی نزانم و ئەو جهە گەلەكێ بەرتەنگ بوو ئەم زیندانی سەرو بن دنڤستین و مە نەدشیا خوە ب وەرگێرین دڤێت ئەم رابباینە شپێرڤە و جارەكا دی نڤست باینە ڤە و ئەو جهە هەموو سپیهـ و رشك و مشك بوون، پتری بیست رۆژا مامە ل ئەوێرێ و ل ئێڤاریەكێ رێڤەبەرێ زیندانێ و یێ بەلدێ دەرگەهـ ڤەكر، نسرەت ژی ئەوێرێ ڤە كربوو ل دەڤ من بۆ ئەوان بخۆ دگۆت ئەڤە مرۆڤێن ئێكن ل ڤێرێ ژی یێ ل دەڤ ئێك و دوو پاشی ڤێرا چوون ناڤێن مە هەمیان نڤیسین و دەمێ ئەو دەركەفتین هندەكا دگۆت دێ مالا هەوە ڤەگوهێزنە بەغدا، یان كەركوكێ من گۆتنێ دێ ئەو بیت یا خودێ حەزكری و ل بانگێ عەیشا جارەكا دی دەرگەهـ ڤەكر ئەز و نسرەت برین ئەم برینە نك رێڤەبەرێ زیندانی ناڤێ ئەوی ئیبراهیم بوو گۆتە مە دی هەوە ئازاد كەین، بەلێ تورمبێل نینە هەوە بگەهینە مال نسرەتی گۆتێ مامێ من ئەوان تورمبێل یا هەی دێ ژمارا ئەوان دەمە تە ل گەل باخڤە و دێ عارف و سەدیق كورێن عەبدولرەحمان بادی نە و تەلەفونا ئەوان كر هەر دوو هاتنە دووڤ مەرا و چەنكێ مە سحبەت كر و پاشی هەڤالەكێ مە یێ زیندانێ ئینا ئەو هەڤالێ مە ئەوان گەلەك ئەشكەنجە دا كو باخڤیت كا هەڤالێن ئەوی دزیندانێ ڤە چ دبێژن و مە چ جلك نەمابوون بكەمە بەرخو بتنێ شەل و شەپك مابوون ئەو ژی من دانانە بن سەرێ خۆ دوخینا مرۆڤی ژی هەكە دشەلی رابا دئینا دەرێ و لاستیك دكرە تێرا و دەمی دەركەفتین ئێكێ بابوخكی ناڤێ ئەوی محەمەد سالح بوو مفەوز بۆ گۆتە من تشتەكی بكەبەرخۆ من گۆتێ من چ نەمایە گۆت مادێ چەوا وەسا رویس دەركەڤی ئەوی ل ئەواران گەریا پێلاڤەكا بێ سەرو بەر ئینا گۆت ئەڤێ بدە سەر پێ خۆ و ئەم هاتینە دترومبێلێ دا دەستپێكێ مە ئێكی ئەوان گەهاند و هندی عارفی گۆتە من ئەم هەر ئەڤ شەڤە نسرەتی ناگەهینە ڤە یێ دویرە تو ژی وەرە دەڤ ئەڤ شەڤە ژی ل نك ئێك بن هوینگێ ژی مالا مە ل گەلی بۆ ل بن كاژا ئەم چووینە بازاری من گۆتێ من نەبەنە ڤە مالا مە یا دویرە ترسم تشتەك بهێتە سەرێ هەوە من گۆتێ من بەنە مالا خویشكا من مالا ئەوێ ل نێزیك بازارێ چەكی بوو ئەز برمە مالا خویشكا من خارزایێ من دەرگەهـ ل من ڤەكر من گۆتێ كەس نەهێتە دەڤ من گەلەكێ بێ سەروبەرم و لەشێ من هەموو رشك و سپیهە و ناڤێ ئەوی كوڤانە رێڤەبەرێ قوتابخانەكێ بۆ ل سەرێ محەلا قەرەچا ئەوی سەرو رویهێن من تراشین و جلكێن من گوهورین و چەند رۆژان مام و پاشی چوومە نك كچا خۆ ل گوندی شێت هەتا حەفتێ پەزێ چویر رەش و دەوار هەبوو ئەز چوومە ئەوێرێ دەمەكی مام دیسان كەسەكی جاب گەهاندە من گۆت ئەمن دێ تە گرنە ڤە دەمێ من زانی ئەز یێ گونەهبارم ب شەڤ گۆتیێ دڤێت بلا سەر ئەڤراز بهێت و یێ بڤێت بلا سەرنشیڤ بچیت و گوت ب دووماهی هات دێ دەڤەرێ بەردەن و دەمێ مەغرەب بوو ئەز ژی هاتمە مال باوەریا من نەهات ل مال بمینم، لەورا رابووم چوومە بەروشكێ مالا مرۆڤەكێ خۆ بۆ سپێدە من گۆتێ من ببە ئەز دێ چمە فەوجەیا هشیاری وان ل دەڤەرا گرسەیسی و كەمەكا ل ئەوان جهان بوو زەكی ژی ئامر سری بۆ ئەو ژی ل گەل من هات و نوكە یێ ل وەلاتێ سوید و د زالگەهێ را ل تانكەرەكێ سیاربووم و چوومە نك زەكی وان من گۆتێ حال و مەسەلە ئەڤە نە و ئەوی گۆتە چیایی وان و چیایی گۆت بلا بهێت دا بچینە ئەوێرێ و چیایی ل گەل من هات و ئەم چووینە ئەوێری و ئەوان پرسیار ژمن كرن و دەمێ چیایی ژدەڤ من چووی من زانی دێ من گرنە ڤە و ئەز هاتمە زالگەهێ بەرپرسێ زالگەهێ ئەز گرتم یێ پەكەفتی بوو و ئەو دەمە هەیڤا رەمەزانێ بۆ ئەز یێ ب رۆژی بووم و ئەز برمە ئەمنێ برمە دژورەكێ ڤە وەكو هولێ بۆ سێ كەس دروینشتی بوون قورئان دخاند و دەستێن من دكەلامچەكری بوون پاشی من گۆتە ئێك ژوان وەرن دەستێن من ڤەكە نوكە ئەز نارەڤم ما دێ كیڤە چم و كەسەك هات دەستێن من ڤەكرن بۆ دەمێ مەغرەب ئەو كەسە مفەوز بۆ گۆت جەمیل تویێ ب رۆژی من گۆتێ بەلێ گۆتی من چ پارە نینن بۆ تە خوارنێ پێ بینم من گۆتێ هەكە دێ بۆ من چیێ ئەز دێ پاران دەمە تە گۆت بلا دێ چمێ و پشتی من پارە داینەڤێ و چوو بۆ من نەفەرەكێ كەبابا ئینا و شویشەكا تەماتێ تژی ئاڤ بۆ د سەلاجێ دا بوو یا ئەمنێ و زابتا بوو بۆ من ئینا و دەرگەهێ ژور ژی هێلا ڤەكری گۆتە من هندی ئەز نوبەداربم دەرگەهی ل تەناگرم و فتارا خۆ بكە و نڤێژا خۆ ب دلێ خۆ بكە.
