شانازیێ ب بەرهەمێن خوە دكەت
كۆدیا هۆشمەن، خانمەكا دەست رەنگینا خەلكا پارێزگەها هەلبەبجەیە، بۆ دەمێ چەند سالانە هندەك كارێن دەستی چێدكەت و داهاتەكی بۆ مالا خوە ب دەستڤە دئینیت، هەروەسا بزاڤ كرینە چەند كچێن دی فێری وی كاری بكەت و ب گۆتنا وێ ئەو دێ یا بەردەوام بیت.
ناڤهاتی، د دیدارەكێ دا بۆ رۆژنامەیا ئەڤرۆ دبێژیت: ئەز ل وەلاتێ ئەلمانیا یا مەزن بوویم، پشتی هاتیمە هەرێما كوردستانێ من ڤیا ئەز كارەكێ تایبەت بۆ خوە بكەم، ئەو بوو من كارێ دەستی هەبژارت و ئەڤە سێ سالن چەندین تشتا ب تایبەت ژی بۆ جوانكاریا مالان چێدكەم و هەر تشتەكێ چێدكەم ب رێیا ئۆنلاین د دەمە دیاركرن و دفرۆشم و سوپاس بۆ خودێ و هەموو ئەندامێن مالا من رۆژ بۆ رۆژێ بكڕێن بەرهەمێن من زێدەتر و داهاتەك بۆ من ژێ دهیت و هندەك هەڤالێن من ئەلمانیا بەردەوام بۆ من ڤیدیۆیان دهنێرن و ئەز گەلەك مفای ژێ دبینم و كەسێن بەرهەمێن من دكڕن ژ هەموو پارێزگەهێن كوردستانێ نە و ئەز ل دووف داخوازیان كاردكەم.
