ئەگەر خەلكی نانەك هەبا دا دەنە پێشمەرگەی و زارۆكێن خوە دهێلانە برسی
ديدار، سالار محه‌مه‌د دۆسكى:
2-4
بەرپرسێ پشكا داراییا لقێ ئێك یا سەردەمێ شۆڕەشا گولانێ ئەو ژی گۆت: مەزاختیێ لقێ ل وی سەردەمی ل سەر خوارنێ و كڕینا فیشك و هەر تشتەكێ گرنگێ گرێدایی پێشمەرگەی با دهاتنەكرین و ئەو مالێن دهاتینە ئەوان گوندان گەلەك هاریكارییا پێشمەرگەی دكر، بۆ خوارنێ و خەلكی گەلەك چاڤێ دا پێشمەرگەی و ئەگەر خەلكی نانەك هەبا دا دەنە پێشمەرگەی و زارۆكێن خوە دا برسی هێلان، ل سالێن 1984 و 1985 ئەم دبێ پارە بووین و دووماهی یا سالا 1986 رەوشا دارایی باشتر لێ هات و مووچە هاتنەدان بۆ پێشمەرگێن لژنا ئەگەر زگورد با هەر ئێكی (20) دینار و پێشمەرگێن زگورد ئەگەر ل بارەگایێ لقێ با(25) دینار و ئەگەر دو زارۆك هەبان (50) دینار و ئەگەر یێ ب ژن با و زێدەتر زارۆك هەبانە (60) دینار دانێ وی دەمی مووچێ من (25) دینار بوون.
هەمان پێشمەرگە گۆت: وی دەمی جێوازی دناڤبەرا پێشمەرگەی دا نەبوو و ئەم هەمی دبەرهەڤ بووین خوە بكەینە قوربانی وەلاتی و خوارنا مە هەمیان ئێك بوو، سالێن 1984 و 1985 رەنگە هەیڤێ جارەكێ مە گۆشت خواربا، 1987 هێرڤە كاودانێن دارایی باشتر لێ هاتن و لقێ پەز دكرین و هەر (10) رۆژا جارەكێ مە گۆشت دخوار، دەمێ سەرۆك (مەسعود بارزانی) هاتیە دەڤەرێ كاودانێن دارایی باشتر لێ هاتن و مورالا پێشمەرگەی گەلەك بلند بوو و هەتا چالاكیێن پێشمەرگەی ژی زێدەتر لێ هاتن و جەنابێ سەرۆك (مەسعود بارزانی) هەر ژ پائیزا سالا 1986ێ هاتە دەڤەرێ و هەتا بوهارا سالا 1987ێ ما ل دەڤەرێ، وی دەمی لقێ ئێك ژ چەند ژپشكان پێك دهات وەك پشكێن (رێكخستن، دارایی، راگەهاندن و شەهیدان و لاسكلكی، لەشكری) ل گەل چەند رێكخراوێن ئیداری و رێكخراوێن لەشكری كو كارێ پاراستنا بارەگایێ لقێ ئێك دكر، جەنابێ سەرۆك (مەسعود بارزانی) بارەگایێ وی ل (كانی ساركێ) بوو وی دەی رژێمێ زانیاری هەبوون كو جەنابێ سەرۆكی ل دەڤەرێ یە، دەمێ سەرۆك (مەسعود بارزانی ) ل بارەگایێ خوە ل (كانی صاركێ) كو ل نێزیك بارەگایێ لقێ ئێك بوو، فرۆكێن دوژمنی بارەگایێ لقێ ئێك توب بارانكر ب بومبێن مەزن و دئەنجامدا كادكر (تەحسین محەمەد عەبدو) كو كادرێ لژنا دهۆك بوویە هاتە شەهیدكرن، ئەڤە جارا ئێكێ نەبوو بارەگا بهێتە توپ بارانكرن و پێشتر ژی چەندین جاران بارەگا هاتیە توبارانكرن و هەتا ب چەكێ كێمیاوی ژی بوویە و چەند كادرێن حزبا شوعی شەهید بوون، فرۆكێن دوژمنی گەلەك جاران ل سەر ئەسمانێ دەڤەرێ هاتن و چوون دكرن و دەڤەر توب باران دكر و دیسا رژێمێ ژ مەیدانا ریڤیا ل سەرسنگێ بارەگایێ لقێ توباران دكر و ژ ناحیا كانی ماسێ راجیمێ دهاڤێتە بارەگایێ لقێ ئێك و جارەكێ چار وەلاتیێن بێ گەنەه شەهیدكرن.
ناڤبری گۆتژی: هەر كەسەكێ هاتبا دەستەسەركرن بەرامبەر پاران دهاتە بەردان، و هەمان دەم (9) خالێن گومركی ژی مە هەبوون و داهاتێ وان ژی گەلەكێ باش بوو و تایبەت وەرزێ هاڤینێ گەلەكێ داهات باش لێ دهات و ئێدی رەوشا پێشمەرگەی باشتر لێ هات و هژمارەكا مەزن یا پێشمەرگەی ل لقێ هەبوو و دیسا خەلكی گەلەك سەرەدان بۆ بارەگایی و هاتن و چوونا چەندین گوندان و رێڤینگان بوو و هەمان دەم ژی زیندانەك لقێ هەبوو و تایبەت پشتی داستانێن (كانی ماسێ و دێرەلوكێ) هژمارا زیندانیان زێدەبوو و نێزیكی (800) زیندانیان تێدا بوون و بەردەوام ژوو بۆ زیندانیان دهاتنە ئاڤاكرن و ئەڤە هەمی هەرسێ دانا دهاتنە خودانكرن، پێشتر و تایبەت ل سالێن دەسپێكێ ئەوی خەلكی گەلەك بزحمەت ئەرزاق ب دەست خوە ڤە تێخست و تایبەت دەڤەرا (بەرێ گارەی) و ئەوێن پشت جادێ و دووڤ دا ئەرزاق گەلەك ب ساناهی ب دەست مە ژی و خەلكی ژی كەفت و بازرگانا ئەرزاق تینا سەر سنوری و مە ێ دكری و ئێدی ب ساناهی خەلك شیان ئەرزاقی بدەست خوە ڤە بێخن، هاتنا بارەگایێ لەقێ ئێك بۆ (زێوەشكان) بوو ئەگەرێ ئەو دەڤەر بهێتە ئاڤاكرن و گوندێن نێزیك ئێكمالێ و هەتا بەرواری و دەڤەرا نهێلی یا وەك سەنتەرەكی بوو و پێشتر ئەو گوند دڤالابوون و گەلەك دهاتنە نە دبوونە پێشمەرگە بەلكو دچوونە گوندی و كار و ژیانا خوە یا رۆژانە دەربازدكر و دەڤەر هاتە پاراستن.
هەمان پێشمەرگە گۆت: وی دەمی شەش لژنە سەر ب لقێ ئێك ڤە بوون (دهۆك، شێخان، ئاكرێ، ئامێدی، زاخۆ، گولان) وی دەمی لژنەكا نهێنی ل مویسل ژی هەبوو و دەمەكی هندەك كادرێن وێ لژنێ ژلایێ رژێما بەعس ڤە هاتنە دەستەسەركرن.
پێشمەرگێ شۆرەشا گولانێ گۆت: ئێزگێ دەنگێ كوردستانێ رۆلەكێ مەزن هەبوو و گەلەك جاران رژێمێ ژی چ خوەشی نەهێلا و بەردەوام تەشویش دانا سەر لێ هەر دشیا پەیاما خوە بگەهینە دناڤا سینگێ دوژمنی دا و مورالا خەلكێ مە ل كوردستانێ و یا پێشمەرگەی ژی گەلەك بلندتر وی دەمی لقێ ئێك ژ لقێن چالاك بوو، بارەگایێ لقێ ئێك جهێ ڤەحواندنا خەلكی بوو و بەردەوام یێ ب مهێڤان بوو و دیسا گەلەك ژ كەس و كارێن زیندانیان سەرەدانا كەس و كارێن خوە دكرن و هەر رۆژەكا هاتبانە رێك بۆ دهاتەدان كو زیندانیێن خوە بینن و دەمێ داستانا (كانی ماسێ و دێرەلوكێ) چێبووین و هژمارا گرتیێن پێشمەرگەی گەلەك زێدەبوون و رەنگە ژ (800) كەسان زێدەتر لێ هات و وپتریا ئەڤان زیندانیان هێزێن دوژمنی بوون ژ چەكدار و لەشكری و پشتی ڤەكولین ل گەل دهاتنەكرن هەر كەسەكێ بێ تاوان با ئانكو چ تاوان دژی خەلك و مللەتێ مە نەكربان، بەرامبەر (3000) هزار دینارێن ئیراقی دهاتە ئازادكرن و جهێ زیندانیان هەبوو و بەردەوام ژوور بۆ دهاتنە چێكرن و ئەڤە بوو ئەگەر داهاتێ مە ل لقێ زێدەبیت و پێشتر داهاتێ مە گەلەكێ كێم بوو و هەمان دەم هەر رێكخراوەك یان لژنەكا پارەك یان هاریكاریەك یان ئابوونێن هەیڤانە بۆ هاتبا هەیڤانە راپورتا خوە یا دارایی ل گەل وی پارەی بوومە فرێدكرە لقێ و مە دكرە داهات و پێشینە یا هەیڤانە یا لژنا ل گەل مووچێن شەهیدان و پێشمەرگەی مە دانێ و هەر هەیڤ من راپورتەكا دارایی بۆ مەكتەبا سیاسی دروست دكر وی دەمی كەسەكێ راپورت ب تابیعێ دروست نەكرن، پشتی خودێ ژێ رازی (بێوار خنسی) هاتیە ڤەگوهاستن من خوە فێری نڤێسینا زمانێ كوردی كر و خوە فێركر كو بەرسفا نڤیسارا یێن گرێدایی دارایی بدەم و ئێدی گەلەك بێ منەت بوو هەمام نڤێسینا كوردی و هەم ب تابیعێ و ژبلی دروستكرنا لیستێن ناڤێن پێشمەرگەی و شەهیدان ئەو ژی هەر من بەرهەڤ دكرن و من گەلەك دنافا نایلونان دا پێچا و دا بیتە پوستە بۆ مەكتەبا سیاسی ل (راژان) و دەمێ پوستە چوو ئیرانێ دا ل گەل خوە بەن و هەمی هەیڤان مەكتەبا سیاسی دا سوپاسیەكێ بوومن فرێكەن چونكە گەلەك ژ كارێ من درازی بوون، سرۆشتێ من بوو چ جاران من كارێ ئەڤرۆ بۆ سوباهی نەهێلا و هەتا ئەڤرۆ ژی و ئەڤجا گەلەك جاران هەڤالێن لقێ هەمی دنفستن ژی هەر من كارێ خوە دكر هەتا درەنگی شەڤ و یێ بتنێ بووم و دەستیردان بوومن گەلەك یا بزحمەت بوو، چونكە كارێ من گەلەك بوو و هەر داهاتەك ژ هەر (9) گومركا و (6) لژنان هاتبا من تۆماركر و وەرگرت و بەرسفێن لژنا من دان و ب تابیعێ و ئەگەر دینارەك هاتبا مەزاختن چ لژنە یان لقێ با دا بەرپرسێ لقێ رەوانەی من كەت و هەمی داهات و مەزاختی و هەر تشتەكێ هاتبا كرین یان فرۆتن ب پسولە بوو و لژنا راپورتا دارایی یا هەیڤانە فرێ دكر و هەمان شێوە مە ژی بۆ مەكتەبا سیاسی رەوانە دكر.
