سترانبێژێن كچ یێن دەنگخۆش ل دەڤەرا بەهدینان هەنە
هەرهین محەمەد:
لێدەرا ئامیرێ دەفێ (هاژە باست) د دیدارەكێ دا بۆ ئەڤرۆ گۆت: ئامیرێ دەفێ ئێكە ژ ئامیرێن رتمی و هەموو حەزو ئارەزویا من ئەو ئامیرە بوو، حەز دكەم هەموو ئامیرێن ریتمێ ب گشتی بزانم بژەنم وەكو داهات ژی هونەری نابینم داهاتە ك ژهونەری بۆ من بهێت و ژبەر هندێ ژی من ئەو رێكە نە هەلبژارتیە و هونەرمەندی دڤێت گیانەك و كەسایەتیەكا تایبەت هەبیت كو خەلك شانازیێ پێ ببەن و نەكو یێ دفن بلند بیت و هونەرێ خۆ بۆ بەرژەوەندیێن خوە یێن تایبەت ب كار نەئینت.
هەروەسا گۆت: نەبوونا گرۆپێن كچان ل دەڤەرا بەهدینان دبیت بۆ داب و نەریتان ب زڤریت و ئەگەر چ هوكارێن دی نین و ل دەڤەرا بەهدینان هونەرمەندێن كچ یێن دەنگ خۆش هەنە و هەر هونەرمەندەكێ كورد ل هەرپارچەكا كوردستانێ هەبیت بۆ من جهێ شانازیێ یە كارەكێ هونەری ل گەل بكەم، بەلێ هەموو دەمان هونەرمەند گرێدای ئێكن و د نوكە دا كاودان نە دخۆشن و ئەوێ چەندێ ژی كارتێكرنا خۆ ل سەر هونەرمەندان هەیە، بەلێ گەلەك جاران ژی ئەو ب خۆ كەمتر خەمن.
