وەسیلا دێ ل شەڤ خەنا خوە سترانان بێژیت
ئەڤرۆ، هەرهین:
وەسیلا كاڤال، سترانبێژا باكورێ كوردستانێ، د دیدارەكێ دا بۆ بەرپەرێ هونەری یێ رۆژنامەیا ئەڤرۆ گۆت: چێكرنا كلیپان گەلەك یا ب زەحمەتە و مەزاختی گەلەك دچیت هەتا مرۆڤ بشێت كلیپەكێ چێكەت و نوكە خودان كلیپەكم، بەلێ بەدەوام دچمە دەواتان ل هەموو جهان، بەلێ باراپتر دچمە دەواتێن جولەمێرگێ و وانێ و شەرنەخێ و هەموو رەنگێن دەواتان ژی باش دزانم و گەلەك جورێن دەواتان ژی ل نك مە هەنە وەكو دەواتا مێرانی و خەلەف و شێخانی و بابلەكان و عەودیشو و قوتكێ و شامیرانێ و هەروەسان ل جولەمێرگێ مە تیپەكا دەواتان ژی هەیە و ئەز ژی ئێك ژ ئەندامێن ئەوان بووم، بەلێ ئەڤە دەمەكە من پەیوەندی ل گەل ئەوان نەمایە و نوكە سەر بەخۆ دچمە دەواتان و بەری نوكە ئەم وەكو گروپ دچووینە دەواتان.
هێشتا گۆت: زوزانێن جولەمێرگێ گەلەك دخۆشن ب تایبەت ل وەرزێ هاڤیناو خەلكێ ئەوێری پانكا ب كارنائینن و ئاڤێ ژی ناتەزینن، چونكو ئاڤێن ئەوان بخۆ تەزی نە، لەورا دەنگێن ئەوان ژی وەسا دخۆش و هەتا نوكە من خێزان پێك نە ومن چ مەرچ نین بۆ ئەو كەسی خێزانێ ل گەل پێك بینم و بتنی َمن دڤێت رێكێ ل من و هونەری َمن نەگریت و رێزێ ل من بگریت و هەكە ئەو مالا ئەز دچمە دمالا ئەوان دا درازی بن دبیت ل شەڤا تل خەنایێ سترانان بێژم، چونكو گەلەك عەشیرەت هەنە بویك هەكە یا سترانبێژبیت ل رۆژا دەواتا خۆە سترانان دبێژیت.
