پێشانگەهێن شێوەكاری ئێك سیما و ئێك بینەرن
هونەرمەندا شێوەكار، هەیفا حسێن بەرنیاس ب (هەیڤ) د دیدارەكێ دا بۆ بەرپەرێ هونەری یێ رۆژنامەیا ئەڤرۆ گۆت:پشتی ئەز ژ پەیمانگەها هونەرێن جوان هاتیمە ڤە گۆهاستن و ژ هونەری ژی دویركەفتی مە ژ پشكداریا پێشانگەهێن شێوەكاری و ب لێبورین ژی ڤە گەلەك جاران پێشانگەه ڤە دبن و مە هایدار ناكەن و نابێژن كا تە چ كارێ نوی كریە، یان تە چ كەڤال هەنە هەكە پێشانگەهەك ڤە بیت دا تو ژی پشكداربی و دبینم جوداهی دناڤبەرا هونەرمەندان دا دهێتە كرن ب تایبەت هونەرێ شێوەكاری بۆچی بتنێ دبێژنە هندەك شێوەكارا و ژنیشكەكێ ڤە ئەز دزانم پێشانگەهەكا هەڤپشك یا ل گەلەریا دهۆكێ ڤە بووی و هەر جارەكا گەلەریا دهۆكێ پێشانگەهەك ڤە دبیت هەر ئەو شێوەكارن و هەر ئەو بینەرن و چ گوهورینێن نوی تێدا نین و بتنێ دەرفەتی َدەنە هندەك شێوەكاران و یێن وەكو من ژی دبەرزەنە یێن چووینە ئامادەیەكێ وانان دبێژن و ب ئەڤی رەنگی هونەرێ شێوەكاری چ گوهورین و پێشكەڤتنان بخوە ڤە نابینت.
هەیفایێ زێدەترگۆت: ژبلی چێكرنا كەڤالان ئەز كارێ دەستی ژی دكەم و گرنگە هنارتبا دووڤ هونەرمەندێن وەكو من را و پێشانگەهەك ڤەكربا بتنێ كارێن دەستی نیشاندابان نەكو كەڤال و ب مخابنی ڤە دبینم ئەڤ تشتە ل دهۆكێ نین و نوكە من كارەكێ دەستی چێكریە دەربرینێ ژ ئالایێ پیرۆزێ كوردستانێ و گویا ئەردی دكەت و هەروەسان گەلەك هزرێن دی من هەنە و دبەرنامی َمن دایە هەموویان بینمە هەبوونێ ب كارێن دەستی، بەلێ ب مخابنی ڤە دوبارە دبێژم هەموو شێوەكار وەكو ئێك ناهێنە هژمارتن و هندەك دیارن و هندەك دبەرزەنە و ئەوێن بەرزەژی گەلەك دخۆدان شیانن و هزرێن جوان هەنە، بەلێ مفا ژ هزرو شیانێن وان ناهێنە وەرگرتن.
