راگەهاندنا كوردی شیایە ببیتە پرۆفێشنال
دلڤین رەشید:
رۆژنامەڤان (بنار هشیار) د دیدارەكێ دا بۆ رۆژناما ئەڤرۆ دیاكركو ئەو خەلكا باژێرێ زاخۆیە، ژیێ وێ بیست و پێنج سالن و دەرچویا زانكۆیا پولیتەكنیك دهۆك پشكا رۆژنامەڤانیا ئەلكترونی، ئەڤە بۆ ماوی شەش سالانە دبۆارێ راگەهاندنێ دا كار دكەت و بەرهەم هێنەرا چەندین فلمێن دیكۆمێناری یە.
ناڤهاتیێ گۆت: راگەهاندنێ هێز و ئیرادەیەكا مەزن دایە من كو بشێم د هەموو وان قوناغێن دژواردا ل سەر پێ خوە راوستم و بەردەوامی ب كارێ خوە بدەم و كار ژبۆ ئارمانجێن خوە بكەم، چونكو ب درێژاهیا مێژۆیی ژنا كورد كار و خەبات دبۆارێ راگەهاندنێ دا كریە، بۆنمونە دبنەمالا بەدرخانیان دا ژنێ ژی دگەل زەلامی كار ژبۆ رۆژنامەیا كوردستان كریە، لەورا دبینم ئەگەر ژن بخوازت یە سەركەڤتی بیت د هەر بۆارەكی دا دشێت پێگەهێ خوە دژیانێ دا بكەت و راستە راگەهاندنا كوردی هەتا رادەیەكی شیایە خۆ بگە هینیتە ئاستەكی باش و پرۆفێشینال ل سەر ئاستێ جیهانێ، بەلێ هیڤی خوازم ل پاشەرۆژی مە راگەهاندنەكا كوردی ب زمانێن بیانی ژی هەبیت ئەم بشێین پەیاما خۆ ب زمانێ وان بگەهینن.
