رامانی (ژڤان و خەم) بەلاڤكرن
شاكر ئەتروشی:
سترانبێژ (رامان عوبەید) كلیپەكا نوو ب ناڤێ (ژڤان و خەم) بەلاڤكر و د بەرنامێ وی دایە د سالا بهێت دا هندەك كلیپێن نوو ب ستایلەكێ جودا بەلاڤ بكەت.
رامانی بۆ ئەڤرۆ گۆت: كلیپا (ژڤان و خەم) ژپەیڤێن هەلبەستڤان سەلمان شێخمەمی نە و ئاوازا شامل بریفكانی یە، ئەڤ كلیپە ئێكە ژ سترانێن من یێن ئەلبۆما (هەست) كو د ئەڤ سالەدا من بەلاڤكربوو، هەتا نوكە پتر ژ نیڤا سترانێن وێ ئەلبۆمێ كو یا ئێكێ بوو من كلیپكرینە و من پلانەك دانەیە د سالا 2024 یێن مای ژی كلیپ بكەم، هەروەسا هزر دوێ چەندێ دا دكەم كو ب ستایلەكێ جودا هندەك كلیپێن جودا چێكەم، هەروەسا هژمارەكا سترانان ل یەردەستن و دێ بزاڤێ كەین وانژی تۆمار و كلیپ كەین.
رامان دەرچۆیێ پشكا مۆزیكێ یە ل پەیمانگەها هونەرێن جوان ل دهۆكێ، بەری نوكە چەندین ستران و كلیپ بەلاڤكرینە، هەروەسا پشكداری د چەندین ئاهەنگ و چالاكیێن هونەری دا كریە و ل بەرە ل دووماهیا هەیڤا سێ ل 2024 ل گەل گرۆپێ (با.مۆزیك) بچنە وەلاتێ رۆسیا و ل وێرێ پشكداریێ د ئاهەنگا نەورۆزێ دا بكەن و ب گۆتنا وی ل كەنالێ وی یێ یۆتیۆپی پتر ژ دو ملیۆن بینەران تەماشە و گوهداریا سترانێن وی كریە.
