ئەیوب دێرەشی: ئەڤە 10 سالن گرنگی ب ستران گۆتنێ نەھاتیە دان
سترانبێژ ئەیوب دێرەشی، دیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: نوکە مژوولی چێکرنا دوو سترانامە و کار ل سەر دھێتەکرن و ل ستودیویا دەنگ و رەنگ دھێنە تومارکن و سترانەک ژوان ئەڤینی یە و یا دی یا شاھیانە و سترانەک ژ پەیڤێن وارھێل رەشید و سترانا دی ژ پەیڤێن زێدان دۆسکی و ژڤانە ل نێزیک کلیپ بکەم و بەلاڤ بکەم.
ھەروەسا ئەیوبی گۆتژی: سترانا ئەڤینی پتر بینەرێ خوە یێ ھەی و ھەریا بەردەوامە وەکو چەرخی دزڤریت و ژ بەرەبابی بۆ بەرەبابی، بەلێ سترانا سیاسی ژی رۆلێ خوە یێ ھەی بەلێ ل ھندەک دەلیڤەیان زێدەتر گۆت: دەمێ مرۆڤ دبێژیت ھونەر گەلەک پشکان بخوە ڤە دگریت و ل دەڤەرا بەهدینان ھونەرێ ستران گۆتنێ و گەلەک بەشێن دی یێن ھونەری پشت گوە ھاتیە ھاڤێتن و ئەڤە سەرێ دەە سالایە فلمە فێستیڤالا دھۆکێ دھێتە گێران و کوژمەکێ مەزن یێ پارەی لێ دھێتە مەزاخن و ئەگەر پیچەکا دلوڤانیێ ھەبیت و پرسیار بکەن و ل سەر ب راوەستن و ھونەرێ ستران و موزیکێ وەکو تاوانەکێ ل گەل دھێتە کرن ل دەڤەرا بەھدینان، چونکو ھونەرێ سترانێ ل بەھدینان ھەرژ کەڤن ھەتا نوکە سنور بەزاندینە و سترانا کوردی یا پێشکەفتی بوویە و ئەڤە دەە سالە چ گرنگی ب سترانێ ناھێتەدان و راستە پشکا سینەمایێ یی گرنگە، بەلێ سالەکێ ژی تەرخانکەن بۆ سترن و مۆزیکێ و ئەوان ژی پێشبێخن و ھونەرمەندێن مە گەلەک دمەغدورن و ئەز حەزژێکەرێ فلما مە و ھەتا نوکە ئەو فلمێن ل فیستەڤالا فلمان دھێنە نیشاندان منە دیتینە.
