رۆژنامەڤان شیاینە گوهۆڕینێن مەزن بكەن
دلڤین رەشید:
رۆژنامەڤان (ئیسماعیل هەركی) د دیدارەكێ دا بۆ رۆژناما ئەڤرۆ دیاركر كو ئەو خەلكێ باژێرێ ئاكرێ یە، دەرچۆیێ پەیمانگەها تەكنیكی ئاكرێ یە/ پشكا كارگیری كار، ئەڤە نێزیكی حەفت سالانە د بۆارێ راگەهاندنا دیجیتالی دا كاردكەت، نۆكە رێڤەبەرێ كەنالێ راست پرێسە ل سنۆرێ پارێزگەها دهۆكێ.
ناڤهاتی گۆت: زۆلم و زۆرداریا سەر گەلێ كورد كارتێكرن ل من كر ببمە رۆژنامەڤان ب تایبەت ژی رۆژنامەڤانیا دیجیتالی، چونكی ئەز ب رێكا ڤان ئالاڤێن سەردەمیانە ب دەرفەت دزانم، ئەو چەكێ من هەی وەكو رۆژنامەڤانەك ب دژی نەیارێ گەلێ كورد بكاربینم، ژبۆ راستڤەكرنا مێژۆیا مللەتێ كورد كو وان ب شاشی قەلەم دا بوون و هەر هوسا ئێش و ئازار و دەنگێ مەزلۆمیەتا مللەتێ خۆ بگەهینە هەموو جیهانێ، چونكی د سەردەمێ نوكە دا رۆژنامەڤان شیاینە ب پیشەیا خۆ گوهۆڕنێن مەزن د ئاڤاكرنا وەلاتێ خۆ دا بكەن و گەلەك یا گرنگە رۆژنامەڤانێن مە هەست ب بەرپرساتیێ و وەلات پارێزیێ بكەن، چونكی پیشەیا رۆژنامەڤانی ئەركەكێ ئەخلاقی یە و گرنگە رۆژنامەڤان رۆژ بۆ رۆژێ خۆ ماندی بكەت داكو شیانێن خۆ د بۆارێ رۆژنامەڤانیا دیجیتالی دا پێش بێخت و بڤێ رێكێ دێ دشێین دەنگ و رەنگێ كوردستانێ نیشا وەلاتێن بیانی بدەین.
