ئێدی كورتەبالا ژ قۆدیكێ ناترسن
بێوار حەمدی:
نەسیبا یاسین، سەرۆكا ئەنجوومەنێ كورتە بالایان، د دیدارەكێ دا بۆ رۆژناما ئەڤرۆ گۆت: ل دەستپێكێ كورتە بالا گەلەك ژ قۆدیكێ دترسیان، بەلێ پشتی مە چالنجەك بۆ وان دانای و پتری (100) كورتە بالا پشكداربووین وێنەیێن خوە ل بەر قۆدیكێ بۆمە دهنارتن و مەژی بەلاڤ دكرن، نوكە وەك بەرێ نەمایە.
هەروەسا گۆت: جهێ داخێ یە نوكە ژیانا كەسێن كورتەبالا یا نەخۆشە، چنكو پتریا وان یێن خواندەڤان و نەخواندەڤان دبێ كارن و ئەو (150) هزار دینارێن وەك هاریكاری ژ حكومەتێ وەردگرن تێرا پێدڤیێن وان ناكەن، لەورا داخوازێ ژ حكومەتێ دكەین پارەكی وەك بەخشینا هەیڤانە دانە بەردەستێ كۆمەلێ دا بشیێن هاریكاریا وان بكەین، هەروەسا فەرە خێرخواز و كەسێن زەنگین ژی هاریكاریا مە بكەن.
