بەردەوامی دان ب هەركارەكی دێ بیتە ئەگەرێ سەركەفتنێ
دلڤین رەشید:
وێنەگر (ئۆرهان رەمەزان) د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ باژێرێ زاخۆیە و ئەڤە بۆ ماوێ شەش سالانە وەكو وێنەگر كاردكەت و پتر گرنگیێ ب گرتنا وێنەیێن بووك و زاڤا ددەت.
ناڤهاتی گۆت: هەر كارەكی مرۆڤی حەز بۆ هەبیت دێ پێكولا كەت هەموو ئاستەنگان دەرباز كەت دا كو بگەهیتە وێ ئارمانجێ یا وی بۆخوە دانای، چونكو بەردەوامی دان ب هەر كارەكی دێ بیتە ئەگەرێ سەركەفتنێ، ئەڤ كارە نوكە بوویە دەرگەهەكی باش بۆ پەیداكرنا نانێ ژیانا من وەك گەنجەك كو بشێم وەك پیشەیەك بۆ خوە كار بكەم و بەردەوامی دان ژبۆ گەهشتنا خەون و ئارمانجان رێكەكا هەرە باشە بۆ سەركەڤتنان، لەورا داخوازێ ژ گەنجێن هەرێما كوردستانێ دكەم هزرێن خوە ئەرینی بكەن هەكە ژیان چەند یا ب زەحمەت بیت هزركرنا ئەرینی دبیتە ئەگەر ئاسانكاری دكاری مرۆڤی دا پەیدا ببن.
