هیڤیا وێ ئەوە داهێنانێ د كارێ خوە دا بكەت
سولین سلێمان:
شێوەكار(سومەیە عەبدولقادر) كو ژیێ وێ بیست سالن و ئاكنجیا قەزا سۆرانە، د دیدارەكێ دا بۆ رۆژناما ئەڤرۆ گۆت: ژبەری حەزا من بۆ وێنەچێكرنێ نێزیكی حەفت سالانە ڤی كاری دكەم و هەتا نوكە من چەندین كەڤالێن خوە فرۆتینە، كو بهایێ وان ژ (25) هەتا (200) دۆلاران بوون.
هەروەسا گۆت: وێنەیێن ئەز چێدكەم زێدەتر ل سەر دیوارێن قوتابخانە و سەنتەر و ناڤەندێن رەوشەنبیری نە ل دەڤەرێ و كەیفخۆش دبم پشتی ب دووماهی هاتنا هەر كارەكی دەستخۆشی ل من بهێتە كرن و هیڤیا من ئەوە ل سالێن بهێن بشێم دبۆارێ هونەری دا پتر داهێنانێ بكەم و خزمەتا دەڤەرا خوە بكەم.
