هێشتا ئاستەنگ ل پێشیا ئەكتەرێن ژن هەنە
زنار تۆڤی:
شیما مولایی، ئەكتەرەكا كوردە، خەلكا باژێرێ سنەیە ل رۆژهەلاتێ كوردستانێ، د دیدارەكێ دا بۆ رۆژناما ئەڤرۆ دیاركر كو د ژیێ پازدە سالیێ دا وێ كارێ ئەكتەریێ كریە و پشكداری د كورتە فلمەكی و چەند شانۆگەری و چەندین فلمێن سینەمایی دا كریە، ل دەمێ بهێت ژی ل بەرە پشكداریێ دچەند فلمێن دی یێن سینەمایی دا بكەت.
ناڤهاتیێ گۆت: ل سالا بۆری من پشكداری د فلمەكێ سینەمایی یێ درێژ دا ب ناڤێ (بەیان) دا كربوو، رۆلێ سەرەكی یێ من بوو، ئەو فلم ل باژێرێ سنە هاتیە چێكرن و پشكداری د چەندین فلمە فیستەڤالان دا كریە، هەروەسا نوكە د وارێ سینەمایێ دا هێشتا ئاستەنگ ل پێشیا ئەكتەرێن ژن هەیە، هەر چەندە ل ڤان سالێن دووماهیێ پیچەكێ باشترە، بەلێ هەر رێگری ل ژنان دهێتە كرن و مالباتێن وان ناهێلن پشكداریێ د كارێن سینەمایی دا بكەن، دیسان دەمێ ئەكتەرێن كچ شوو دكەن كارێ وان ب زەحمەتتر لێ دهێت و نەشێن وەكو پێدڤی كار بكەن.
