سترانێن ئەز دبێژم ل چو تۆمارگەهان نەهاتینە تۆماركرن
هەهین محەمەد:
سترانبێژێ كۆچكو دیوانان (محەمەد نێروەی) د دیدارەكێ دا بۆ ئەڤرۆ گۆت: سترانا گولی جەهوەر ئاغا من ژ بابێ خوە گرتیە و هەتا نوكە ب بەند و پەند دبێژم، ژبەركو سترانا ب چیرۆك و ستران دهێتە گۆتن تاما خوە یا تایبەت هەیە و گوهدار پتر پێڤە دهێتە گرێدان و حەزژێدكەن و من گەلەك ستران ژبەرن وەكو خفتان و میرەللا و گەلەكێن دی و ئەز دووڤچوونا وێ سترانێ دكەم كا چیرۆكا ئەوێ ب دروستی چییە ئەو سترانێن ئەز دبێژم ل چ تۆمارگەهان نەهاتینە تۆماركرن بتنێ ئەو نەبن یێن كو من ل دیوانەكێ، یان ل مالەكێ گۆتبن و دەمەكی ئەم ل تیپا داسنیا یا هونەری بووین بەلێ ل ئەوێرێ چو كارێن وەسا بۆ مە نەهاتنە كرن وەكو ستودیۆ كو ئەم سترانێن خوە تۆمار بكەین.
زێدەتر گۆت: دەمێ مرۆڤ سترانا دبێژیت تایبەت یا كۆچكودیوانان دڤێت تزبی ددەستێ مرۆڤی دابن و هەبوونا تزبیان رەوشا سترانبێژێ كۆچكو دیوانایە، هەروەسا هەتا رادەیەكی ژی شوینا مۆزیكێ دگریت و مرۆڤ دشێت كێش و سەروایا سترانێ ب دروستی بێژیت.
