حوكمەتا ئیراقێ دەمێ دانوستاندنێ ب دەلیڤە دزانی بەرانبەری پێشمەرگەی خوە ل سەر پیێن خوە بگریت
دیدار، سالار محەمەد دۆسكی:
شەرێ سەرێ ئەتریش، دو شەران ل قەلادزێ پشكدار بووین، شەرێ پێدە) ل شۆرەشا گولانێ ل دەڤەرێ بگشتی پشكدار بوویمە و شەرێن ڤێ شۆەشێ زێدەتر چالاكیێن لەشكری بووینە، شەرێ سێدەرا دەمێ حوكمەتێ هێرش كری و هەر هات و بەردەوام بوو و هەتا گەهشتینە گەلیێ(كانی مازێ) وی دەمی ل گەل (سلو خدر) بووین وی دەمی گۆتە مە دا بچینە (سێدەرا) وی دەمی مالا وی ل گوندێ(ئاتوشێ) بوو وی گۆت دا سەحكەینێ كا ئەرزاقەك ل مال دا مایە و پشتی چووینە دناڤا خانی دا مە تەماشكرێ مرۆڤێن دەركەفتین و خانی وەك خوویە و مە كەرەك دیت و مە ئەرزاق لێكر و مە بەرێ وی دا وێ نەهلێ بتنێ دا ئەرزاق نەهێتە سوتن چونكە دەمێ حوكمەت هێرشی گوندی بكەت دا نە سوژیت وی دەمی شەف بوو و دەمێ مە ئاگر هەلكری دا بچینە ژوور ڤە حوكمەتێ دیتین و چەند گولێن قەناسا هاڤێتنە مە و (سلو خدر) گۆتە من هەما جهێ خوە پێلە و من گۆتێ بوو گۆت ئەم نەشێین پێشمەرگەكی گوری فەردێ ئاری بكەین وی دەمی ئەم سێ پێشمەرگە ل گەل (سلو خدر) بووین وی دەمی (سلو خدر) بەرپرسێ لژنا ناوچا زاخۆ بوو و ئەو هاتبوو دەڤەرێ چونكە مالا وی وێرێ بوو وی دەمی شەرەكێ مەزن ل (قەلعا كانیكا) دروست بوو و هندەك پێشمەرگە ئاسێ بوون و چەند جاران (سەید صالح) دگۆتە من هەرە سەحكێ كا چل وی پێشمەرگەی هاتن و راستی زەحمەتە هەتا مرۆڤ دچیت وی پێشمەرگەی دگۆت ئەم جهێ خوە نابەردەین و كەسەك هەبوو بناڤێ (وەحید خوركی) وی دگۆت ئەز جهێ خوە نابەردەم و دو سێ جاران چووم و خودێ ژێ رازی (سلو خدر) گۆت برا چەند جاران تو بێژیە ڤی هەرە دێ چیت و بتنێ خودێ ڤی دبەت و تینت تو نابینی چەندا بزحمەتە و جارا سیێ چووم من دیتی ئەو پێشمەرگە (وەحید) ل گەل هەڤالێن خوە یێ دهێن و سەرێ وان بتنێ یێ دیارە و هەمی بووینە تەنی.
پێشمەرگێ هەردو شۆرەشێن ئیلۆن و گولانێ عەلی گابێركی بەحسێ تەنگاف ترین چركێن ژیانا خوە دكەت ل شۆرەشا گولانێ ل سالا 1982ێ كو ل مال بوویە، (بێوار خسنی و جەهەوەر) هەر دو هاتن دا گەهنە شۆرەشێ و (ئەحمەد نسری) ل گەل بوو هاتنە دەف مە ل گوندی و گۆتن مە دەرباز بكەن دێ چینە بارەگایێ لەقێ و دا بهێنە رەوانەكرن بۆ كوماتەی و جادا سیارەتیكا بۆ سەرسنگ حوكمەتا تێدا و هەر دەڤەر بۆ دەڤەرێ رەبیەك تێدا هەیە و دڤێت ب شەف بهێنە دەربازكرن و مەفرەزێ، پێشمەرگەی (سلو خدر) بوو ل بەرێ گارەی بوو و رەنگە هەیڤێ جارەكێ نەهێتە دەڤەرێ و من گۆتێ دێ هەوە بەینە دەڤەرا دۆسكیا و هەر ئێك بۆ ئێكی هەتا دگەهنە بارەگایێ لقێ ئێك و خویشەكا وان ل گوندێ (ئەدنێ) بوو و من گۆتێ ئەگەر هوون گەهشتنە وی گوندی ئەو خزمێن هەوە نە و دێ هاریكاریا هەوە كەن دێ دەربازبن وێ شەڤێ من دو پسمامێن خوە ل گەل خوە برن و تەنشت سیارەتیكا ئەم ب سەركەفتین و شەف بوو چووینە گوندێ(ئەلكشكێ) تەنشت گوندێ (مەجلمەختێ) ئەو گوند خالێن پسمامەكێ من بووینە و پشتی مە شیف خاری وی دەمی (هارب) هەبوو من گازی كرە بەرپرسێ (هاربا) و من گۆتێ چەند كەسەك ژ هەوە ل گەل ئەڤان بچن هەتا دگەهنە گوندێ (زڤنكێ) و ئێك بۆ ئێكی هەتا دەڤەرا بەرواری یا و ئەو هاتنە هنارتن و من گۆتە پسمامێن خوە دا بزڤرین و دەمژمێر نێزیكی (12) بوو و پسمامێن من گۆت ئەم یێن وەستیاین و دێ ئەف شەڤە ل ڤێرە بین و دێ سوبە مەغرەب چین وی دەمی مغاویر نەهند بهێز بوون بەلێ دەمێ دەركەفتن ب هێزەكا مەزن دەردكەفتن وی دەمی شەرێ ئیراق و ئیرانێ بوو و مەفەرزێن پێشمەرگەی ژی زێدەتر لێ هاتبوون ل دەڤەرێ، ئەم وێ شەڤێ ماینە وی گوندی و دەمێ بوویە سپێدە رابووم دا نڤێژێ كەم و من پرسیار كر كا نڤێژ مایە یان نە و گۆتن یا مای و دەركەتم كا چ هەیە چ نینە و من خودانێ مالێ ل دەرڤە دیت و من پرسیار كر كا چ هەیە چ نینە و گۆت یا بێ دەنگە و چ نینە و ڤەگەریام دێ دەسرێ ڤە دەم من دیت خودانێ مالێ ناڤێ وی (مەجید) بوو هات ژوور و گۆت چەكداران دەردورێن گوندی گرتینە و خوە قورتال بكەن و ئەەم مال ئەم تێدا ژ هەمیان بلند ترە و ب چیایی ڤە یە و رەبیا حوكمەتێ ل سەرێ چیای یە بچیە چیای رەبیە و ژوور دا لەشكرە و دو مدرعێن مەزن ژی ل تەنشتێن گوندی نە و ئەز و هەر دو پسمامێن من ل گەل دانە و خودانێ خانی گۆت: تەنشتا گوندی ئەگەر خانی ب دووماهی بهێن مرۆڤ دگەهیتە گڤاندێ و دەمێ مرۆڤ گەهشتە وێ گڤاندێ ئێدی كەسەك نەشێت مرۆڤی كونترۆل بكەت و چ جاران حوكمەت نەچوویە وێ دەڤەرێ كو دبیتە بنێ گوندی من هەر دو پسمامێن خوە دانە بەر سینگێ خوە و كولانێن گوندی دا هاتین هەتا مە گوند ب دووماهی ئینای و مە كەسەك نەدیت و مە خانی ب دووماهی ئینان رەزەكێ باهیڤا دناڤبەرا خانی و گڤاندێ دایە و بتنێ ئێك رەزێ باهیڤانە نێزیكی (100) مەترانە نە و هەر دو پسمام ژ من بچووتر بووینە و هەر دو مە ئێخستنە بەرا خوە مە ژ نیشكەكێ ڤە دیت چەكدارێن رژێمێ سەرێن خوە بلندكرن و بەرێ چەكێ خوە دامە و ئەڤە دناڤبەرا مە و ئەوان دا (50 ) مەتر نەبوون مە ژی سەر سەری را تڤنگ هاڤێتن و ئەوا خوە چەماند و ئەگەر ئەوا هاڤێتبا مە ئێك جارا ئەم هەرسێ داهێنە كوشتن و من گۆتە پسمامێن خوە خوە ب هاڤێژن و شول خەلەت بوو وچوومە لایێ سیارەتیكا ڤە و رەزێ باهیڤا من ب دووماهی ئینا و پێ خوە من دانا سەر سیمەی و پشتی زڤریام هەر دو ل گەل من نینن و هەر دو بەرەف گوندی چوون و لەشكر هەمیێ نێزیكی من و رەمی من كر و هوسا گولێن تڤنگا یێ دهێنە من چەوا تاڤا بارانێ دهێت هوسا بەركێن ب عەردی دكەڤن و دو جاران كەفتم و شیڤەك نێزیكی من بوو و بەرەف شیڤێ ڤە چووم من دیت یێ ژێ هەل رەمیێ من كەن و دەربازبووم و هەمی یا رەمی كر بتنێ قورتال نەبم و ئەژی گەلەكێ بلەز خوە دهاڤێم و من دیت گرەكێ بلندە و هەڤرسەكا ل سەرێ گركی چەند جندی روینشتی نە یێ رەمیێ كەن و من خوە هاڤێتە شیڤێ دا و من هندەك رەمی هاڤێتە ئەوا جندیان و بەرسینگێ من ژوور دا كەسەك لێ نەبوو و چووم وێ رۆژێ ژ خوە بێ هیڤی بووم ژ خوە و من خوە ڤەشارت و من دیت جندیەكێ دیف من را دهێت و دویف دا بوونە دو جندی و من گۆت ئەگەر نێزیكی من بوون دێ كوژم و پاشان نە گەهشتنە من و زڤرین و دووف دا چەكدار ژ گوندی دەركەفتن و ئەز ڤەگەریامە گوندی و سەحكمە پسمامێن خوە كو ژ من بچووكتر بووینە و ئێك زاڤایێ شەش هەیڤان بوو و ئێكێ ب ژن و زارۆك بوو و دەمێ گەهشتیمە گوندی ژنەكێ دیتم و كرە قێری و گۆت وەرە مالاتە خرابوو گۆت (سەلیم) شەهید بوو.
