داهاتێ كۆمپانیا ئەپل 13% زێدە بوویە
كۆمپانیا ئەپل راپۆرتا خۆ یا قازانجان یا چارێكا دویماهیێ ژ سالا 2023 بەلاڤكر و تێدا دیاربوویە كو قازانجێن كۆمپانیێ ب رێژەیا 13% ل سەر بنیاتەكێ سالانە ب هەڤبەركرن ل گەل چارێكا دویماهیێ یا سالا 2022 زێدەبووینە.
ل گۆرەی راپۆرتا ئەپل، قازانجێن كۆمپانیێ د چارێكا دویماهیێ یا سالا بۆری دا 33.92 ملیار دۆلار بوون ب زێدەبوونا ب رێژەیا 13% ل سەر بنیاتەكێ سالانە.
هەڤدەم فرۆشتنا بەرهەمێن ئەپل د سێ هەیڤێن دویماهیێ ژ سالا بۆری دا ب رێژەیا 2% ل سەر بنیاتەكێ سالانە بلندبوویە پشتی چار چارێكێن سالێ یێن ل دویڤ ئێك ژ كێمبوونێ.
ئەپل د چارێكا دویماهیێ ژ سالا بۆری دا ب بهایێ 119.58 ملیار دۆلاران بەرهەم فرۆشتینە و 33.92 ملیار قازانجێ كۆمپانیێ یێ دویماهیێ د وێ چارێكا سالێ دا بوو.
داهاتێ ئەپل ژ فرۆشتنا موبایلێن ئایفۆن د وێ چارێكا سالێ دا 69.7 ملیار دۆلار بوون هەروەسا داهاتێ فرۆشتنا لاپتۆپێن ماك 7.78 ملیار دۆلار بوو و داهاتێ فرۆشتنا ئایپادان 7.02 ملیار دۆلاران بوو ل دەمەكێ داهاتێ فرۆشتنا بەرهەمێن دی یێن ئەپل 11.95 ملیار دۆلار بوو.
هەروەسا بهایێ قازانجێ یێ هەر پشكەكا كۆمپانیێ گەهشتبوو 2.18 دۆلاران.
