تیڤیێن مە بێ بەرامبەر تشتێ ئامادەکری دڤێت
سترانبێژ ئوسمان جەمیل ددیدارەکێ دا بۆ بەرپەرێ ھونەری یێ رۆژناما ئەڤرۆ گۆت: من ستران گۆتن نەھێلایە ب رێیا ستران گۆتنێ خزمەتا وەلاتێ خۆ وخەلکی دکەم و گەلەک جاران مرۆڤ ژ ھونەری دویر دکەڤیت ژبەر ھندەک ئەگەرێن تایبەت، بەلی َدسەرھندێ را ژ بۆ دەزگەھێن راگەھاندنێ دەمێ کارێن نوی دکەم بۆ ئەوان دھنێرم و بەلاڤدکەن و راستە ڤیدیوکلیپ نوکە دکێمن و دڤێت مرۆڤ کاری بۆ ھەموو تشتی بکەت، بەلێ تیڤێن مە تشتێ ئامادەکری دڤێت و بێ بەرامبەر و مرۆڤ ژی نەیێ نەچارە و ئەوی ھەموو کاری و مەزاختی بکەت بێ بەرامبەر و گەلەک کلیپ من چێکرن و من دانە تیڤێن مە بێ بەرامبەر.
ھەروەسا گۆتژی: نوکە ژی دبەرنامێ من دایە ھندەک ھەلبەستێن کلاسیک ئاواز بکەم و بکەمە ستران و بەری ھەیامەکێ ژی من ھەلبەستەکا مەلاحسێنێ باتەی تۆمارکربوو و من بەلاڤ کر و من بۆ رادیۆیان ژی ھنارت و بەلاڤکر و ھندی بشێم دێ بەرھەمێن کەڤن نوو کەم و چوجاران من نەڤێت ژ گوھدارو حەزژێکەرێن خوە دوورکەڤم، چونکو ھەموو ھونەرمەند گرێدای خەلکی نە.
زێدەتر ژی گۆت: ھونەرمەندێن مە یێن بەرێ قوتابخانەبوون و ھەرژدەستپێکا خوە داغباری َدەنگێ ئەردەوان زاخۆیی و تەحسین تاھای بووم و ل بەردەنگ و ئاوازێن ئەوان من خوە فێری ستران گۆتنێ کر و من گەلەک حەزدکر سترانا ئەردەوانی دەردێ مە گرانە و سترانا تەحسین تاھای بێریڤانێ من نوی کربان بەلێ دڤێت مرۆڤ مافێ سترانێ بدەتێ بەری بەلاڤ بکەت.
