پشتی دو سالێن خۆبەخشیێ ستودیۆیەك بۆ خوە ڤەكر
هەرهین محەمەد:
رێبەر تەمەر، وێنەگرێ دهۆك تیڤی و خودانێ ستودیۆیا نیبوون گرۆپ، د دیدارەكێ دا بۆ رۆژناما ئەڤرۆ گوت: ئەڤە بۆ دەمێ نەه سالانە كارێ وێنەگریێ دكەم، ل دەستپێكا من و كارێ وێنەگریێ من دو سالان خۆبەخش كاردكر بتنێ دا بگەهمە هیڤیا خۆ، دووڤدا من بۆ خوە ستودیۆیەك ڤەكر و وێنەگری پێشەیەكا گەلەك خۆشە، بەلێ هەموو كەس نەشێن بنە وێنەگر، چونكو گێول و حەز پێ دڤێت بۆ من وێنەگریا فوتۆی خۆشترە ژ یا ڤیدیۆیێ و دسەر هندێ را هەردوكان ژی دكەم، بەلێ پتر حەزژ فوتۆی دكەم.
هەروەسا گۆت: ژبەركو حەزژ كارێ خوە دكەم ل گەل سرۆشتی و مرۆڤان گەلەك یێ ئارامم ب تایبەتی بووك و زاڤا دەمێ دهێن وێنەیان بۆ دگرم ئەو ژی گەلەك حەزژ جهێن سرۆشتی و ڤەكری دكەن ئەز وێنەیان بۆ بگرم.
