ڤان هەردو ئەپلیكەیشنا بكە د ناڤ مۆبایلا خوە دا
راستیەكا نەیا ڤەشارتی یە كو ئەپ ستور و گوگل پلەی د پڕن ژ ئەپلیكەیشنا و رۆژانە چەندین ئەپێن دی زێدە دبن، چو كەسان ژی شیان نینن وان هەموو ئەپان تاقی بكەت یێن نوو دهێن ژ بەر هندێ ژی د بزاڤێ كەین جاران چەند ئەپێن گرنگ بەرچاڤ بكەین:
د ڤی بابەتی دا مە ل بەرە بەحس ل دو ئەپان بكەین كو هەردو گرێدایی ژیانا ئەڤرۆ و وێ پێشكەفتنێ نە یا كو كەفتیە د جیهانا ئەلكترۆنی دا. ب تایبەت یا دویێ كو گرنگترین بابەتێ سەردەمێ نهایە، هەر چەندە بابەتێ ئێكێ ژی چەندەكێ پەیوەندیەكا پێ ڤە هەیی.
1- All Email Connect د شیانێن ڤی ئەپلیكەیشنی دایە وان هەموو ئیمێلێن هەین ژ كۆمپانیێن جودا وەكو ئیمێل و جیمێل و ئاوت لوك و یاهو و هۆت مەیل و هەر جۆرێ دی یێ ئیمێلی بیت د ئێك ئەپ دا كۆم بكەیی و كار پێ بكەیی ب رەنگەكێ گەلەك ب ساناهی.
هەر دیسا دشیانێن ڤی ئەپی دایە گەلەك ژ كارێن تە یێن رێكخستنا وان هەلبژارتنا هنارتنا نامان و گەلەك بەرسڤێن ئامادە ب رێیا زیرەكیا دەستكرد بۆ تە ئامادە بكەت.
ل گەل ڤی بەرنامێ بێ بەرامبەر دشیان دایە ئێدی ل گەلەك جهان نەگەری دا كو ئیمێلێن خوە یێن نوو ڤەكەیی، هەموو پێكڤە ل ڤێرە دێ بۆ تە كۆم بن.
2- Chat AI – Chatbot AI Assistant ب رەنگەكێ گشتی نها جیهان هەموو یا مژوولی وان وارایە یێن زیرەكیا دەستكرد ب خوە ڤەگرتی و گرنگیەكا مەزن ددەتی، بابەتێ مە یێ دویێ ل دۆر ڤی بابەتێ رۆژەڤێ یە.
ئەڤ ئەپە پێكهاتیە ژ بەرنامەكێ چاتێ كو دشیان دایە ب رێیا ڤی بەرنامەیی ب رێیا زیرەكیا دەستكرد و ب رێیەكا بێ بەرامبەر گەنگەشێ ل گەل سیستەمی بكەیی و پرسیارا ژێ بكەیی دێ ب رەنگەكێ گەلەك باش و لۆژیكێ بەرسڤا تە دەت.
دیسا ئەڤ ئەپە دێ هاریكاریا تە كەت ل سەر نڤیسینێ كو دشیان دایە نڤیسیا تو دنڤیسی باشتر لێ كەت و رێك بێخیت و تو دشێی بۆ هەر كارەكێ فەرمی یان ژی سوشیال میدیایێ ژێ ببینی.
دیسا ل دەمێ نڤیسینا نامەكێ یان ئیمێلەكی ژی بۆ كەسەكێ تایبەت یان جهەكێ تایبەت د شیان دایە ب رەنگەكێ باش هاریكار تە بكەت.
