هەتا نوكە هندەك ب چاڤەكێ كێم بەرێ خوە ددەنە كچێن راگەهاندنكار
بێوارحەمدی:
راگەهـــــــاندكار (گۆلستان ئیسماعیل) د دیدارەكێ دا بۆ رۆژناما ئەڤرۆ گۆت: ئەڤە نێزیكی هەشت سالانە ئەز كارێ راگەهاندنێ دكەم و سۆپاس بۆ خودێ هەتا رادەیەكی یا شارەزابوویم، بەلێ هندی مرۆڤ بزانیت هەر كێمە و هندی مرۆڤ بشێت ل د دەزگەهەكی بمینیت و خوە ئاڤا بكەت باشترە و ئەز ل گەل هندێ نینم راگەهاندكار گەلەك دەزگەهان بگوهۆڕیت.
هێشتا گۆت: ئەز هزدكەم پتر ئازادی دناڤ راگەهاندنا كوردی دا زێدە ببیت، ژبەركو رۆژنامەڤان یێ گرێدایە ب سیاسەتەكێ ڤە و نابیت ژوی چوارچوڤەی دەركەڤیت و ئەز دبێژم هەر كچەكا هزرا راگەهاندنێ هەبیت بلا ب هەموو ویرَەكیا خوە بهێتە دناڤ كاری دا، بەلێ مخابن هەتا نووكە هندەك ب چاڤەكێ كێم بەرێ خوە ددەنە كچێن راگەهاندكار.
