سێ سترانێن نوو دێ بەلاڤ كەت
زنار تۆڤی:
سترانبێژ لەوەند بەكر، كو خەلكێ رۆژئاڤایێ كوردستانێ و ئەڤە چەند سالن ل باكۆرێ كوردستانێ دژیت، د دیدارەكێ دا بۆ رۆژناما ئەڤرۆ دیاركر: كو ئەڤە پتری 20 سالانە ئەو سترانان دبێژیت، هەتا نوكە وی چەندین ئەلبۆمێن سترانان و كلیپ و سترانێن دویت بەلاڤكرینە و ل رۆژێن بۆری سترانەك ب ناڤێ(دایێ ئەز پێشمەرگەمە) بەلاڤكرییە، ژ پەیڤ و ئاوازێن وی ب خۆ نە، ژبەركو ئەو ل باكۆرێ كوردستانێ یە، نەشیایە وێ سترانێ كلیپ بكەت.
ناڤهاتی گۆت: نوكە ئەو كار ل سەر تۆماركرنا سێ سترانێن نوو دكەت و ل بەرە دو ژ وان سترانان بەری هەیڤا رەمەزانا پیرۆز بەلاڤ بكەت، سترانەك ژوان ل سەر باژێرێ عەفرینێ یە، ئێك ژی سترانەكا نەتەوەیی یە، یا دی ژی وی ل بەرە ل جەژنا رەمەزانێ بەلاڤ بكەت، دیسان ئەو حەز دكەت كلیپێن وی ل سەر شاشێن كەنالێن تەلەڤزیۆنی یێن هەرێما كوردستانێ بهێنە وەشاندن، چونكی ئەو نەشێن بەرهەمێن خوە ل سەر كەنالێن تەلەڤزیۆنی ل باكۆرێ كوردستانێ نیشا بدەن، چونكی پرانییا دەزگەهـ و كەنالێن كوردی ژ ئالییێ دەولەتا تورك ڤە هاتینەگرتن.
