پتریا كەڤالێن خوە ب رێیا سۆشیالێ نیشا ددەت
موسا خالد:
شێوەكار( تارا حەسەن رێكانی) كو ژیێ وێ (33) سالن و دەرچۆیا زانكۆیا دهۆكێ یە، د دیدارەكێ دا بۆ رۆژناما ئەڤرۆ گۆت: ل دەستپێكا سالا (2022) من دەست بكارێ شێوەكاریێ كریە، ژبەركو مالا مە بگشتی خودان بەهرە بوون و هەردەم پشتەڤانێن من بوون، لەورا هندێ دژیانێ دا مابم و من شیان هەبن دێ یا بەردەوام بم.
هەروەسا گۆت: گەلەك جاران ئەز هاتیمە داخوازكرن كو پشكداریێ د پێشانگەهان یان فەستیڤالان دا بكەم، بەلێ ئەز رازی نە دبووم، چونكو پترگرنگیا من یا ل سەر كارێ من و حەزدكەم پتر داهێنانێ بكەم و د كەڤالێن خوە دا پتر بۆیاغێن زەیتی بكاردئینم و دەمێ هزرەك بۆ من دهێت دكەمە كەڤال و هندەك كەڤالان ژی ل دووف داخوزایان چێدكەم و كەیفخۆش وەك شێوەكارەك خزمەتەكا بچووك پێشكێشی باژێرێ خوە و هونەرێ كوردی دكەم و پتریا كەڤالێن خوە ب رێیا سۆشیالێ نیشا ددەم و داهاتەك ژی بۆ من ژێ دهێت.
