ل شەڕێ گوندێن (كوچۆ و گرگێ حمێ) گەلەك ئێریشکار تێدا هاتنە كـوشتن
شێحان، سالار محەمەد دۆسكی:
2-2
پێشمەرگێ شۆرەشا ئیلۆن قاسو عەلو ساڤارا بەحسێ سەرەدانا خودێ ژێ رازی ئدریس بارزانی دكەت بۆ شنگال و گۆت: بیرا من دهێت دەمێ خودێ ژێ رازی ئدریس بارزانی سەرەدانا شنگال كری و ئەم ب دهول و زرنا چووینە بەراهیێ و ب ئاهەنگ و دەست قوتان و كەیفا خەلكی گەلەك هات و چەند دنیا لێ كومبوون وی دەمی یێ مەزن بووم و من تڤەنگ دهەلگرت وێ سالێ دەمێ من تڤەنگ هەلگرتی ئەز ل گەل بابێ خوە بووم هەتا سالا 1974 و شەر ل گەلیێ زاخۆ دروست بووی و پوستەك بۆ بابێ من و گشت خەلكێ شنگال هات و گۆت هەر كەسەكێ ژ خوە ب ترسیت بلا بهێتە سوریێ و یێ ژ خوە نەترسیت بلا بچیت خوە رادەستی حوكمەتێ بكەت و هەر پێشمەرگێ مەیە و ئەم (74) كەس ل گەل خێزانێن مە ماین كو ژ خوە ترسین و ئەم هاتینە (تنێ) دەربازبووینە سوریێ و ئەڤە دەمێ شەر دروست بووی و پشتی گەهشتینە سوریێ هەوالگێری یا سوریێ هاتنە پێشیا مە و خێزان ژ زەلامان هاتنە جوداكرن و ئەم برینە (موزەلانێ) مالا (محەمەدێ میرو) مەزنەكێ كوردا بوو و پێشوازی یا مە كر و ئەم (74) كەس هەمی ب چەكێ گران ڤە وی دەمی موسلما پتر ژ ئێزدی یا هاریكاریا مە كر و هەتا نوكە ژی پەیوەندیێن مە ل گەل ئەوان خێزانا دباشن ئەوێن هاریكاریا مە كرین و ئەم حەواندین و سێ شەڤان ئەم ل مالا (محەمەدێ میرو) ماین و هندەك مرۆڤێن جامێر هاتنە دەف مە و گۆتن گەلی زەلامان چەكێ خوە نەدان و خوە رادەستی حوكمەتا سوریێ نەكەت و شەرێ خوە بكەن و چ چێ دبیت بلا چێ بیت و پشتی سێ شەڤ و سێ رۆژان وی جامێری ئەم ب ترۆمبێلا خوە گەهاندینە (سێ مالكا) و چەندین چوپ ئینان و ئەم دەربازبووین و هەر وێ (74) چار دەربازبووین و ئێكی دگۆتنێ(محەمەدێ رەشو) هەندەسا خودێ ژێ رازی (عیسێ سوار) بوو ئەو رێبەرێ مە بوو وێ شەڤێ ئەم هاتینە گوندەكی دگۆتنێ(تەرابوگێ) تەنشت گەلیێ زاخۆ و ئەم وێ شەڤێ ماین و دووڤ دا هاتینە (ئاسیهێ) چووینە بارەگایێ (عیسێ سوار) و دووڤ دا ئەم چووینە (مەتارێ بامەرنێ) ماین و دووڤ دا هێزا (شنگال و تەلەعفەر) ئەم هاتینە رەوانەكرن بۆ (زاویتە) ئەم ل (گازینویا زاویتە) دا ماین و دووڤ هێرشا (قەشەفرێ) چێ بوو وەك هێزا شنگال مە پشكداری وێ هێرشێ ژی كر .
هەمان پێشمەرگەیێ شۆرەشا ئیلۆن و گولانێ ئەو ژی گۆت: خێزانێن مە نێزیكی (12) كەسان مانە ل سوریێ و دەڤەرا (جرحێ) و ئێكێ شنگالی چوو پێزانین ل سەر خێزانێن مە گەهاندنە حوكمەتا سوریێ و هەوالگێریا سوریێ هاتن و خێزانێن مە دەستە سەركرن و ئێكی دگۆتنێ(سەبریێ عەلیێ ئەحمەد) موسلمانێ سوریێ یە و خەلكێ (گردێن)ە و چوو دەف رێڤەبەرێ ناوچا (تربە سپیێ) و داخازا ئازادكرنا ئەوان خێزانا كر و رێڤەبەرێ ناحیێ گۆتێ نەشێن هەمیان ئازاد بكەم،بلا ئەف ژنێن زارۆك ل گەل بلا هەمی یا ئازاد بكەن و بتنێ چەند ژنێن دانعەمر بلا بمینن و بیرا من دهێت ئەوێن ماین ئێك ژوانا ژن ماما من (غەزال) بوو ژنەك ژ مالا (قاسم) بوو و ئێك ژ مالا(حاجو) بوو و رادەستی حوكمەتێ كرن و ئینانە (سنونێ) و (حەسەن) چوو ئەو ژن ژ دەستی حوكمەتێ دەرئانین و برنە مالا خوە.
هەمان پێشمەرگێ ئیلۆنێ ئەو ژی دیاركر كو گەلەك شەران دا پشكدار بوویە وەك هێرشا گوندێ قەشەفرێ هەتا ژ چەتان هاتیە پاقژكرن و دەمێ چەتە و چەكدار هاتینە (كورگا و سنێ هێستر) وی دەمی بارەگایێ لژنا مە ( كورگا و سنێ و هێستر) بوو و مە پشكداری تێداكر و ئەم بەرهنگاربووینێ و مە شەرەكێ مەزن ل گەل ئەوێ هێزێ كر.
هەمان پێشمەرگە ئەو ژی گۆت: پشتی ئەنجامدانا چەندین چالاكیێن لەشكری ل دەڤەرێ و تایبەت ل بامەرنێ و قەشەفرێ و پشتی تێكچوونا شۆرەشا ئیلۆنێ ل سالا 1975ێ و مە ل ناحیا ئەتریش چەكێ خوە رادەستی حوكمەتا ئیراقێ كر و ئەڤ گوندێ ل ناحیا باعەدرێ بۆ خەلكێ شنگال ئاڤا كر و ئەڤە ژ وێ سالێ وەرە هەتا نوكە ئەم ل ناحیا باعەردێ دئاكنجی نە و عەسل دا ئەم خەلكێ شنگالین و پشتی ئەڤان روودانێن شۆرەشێ ئەم پتر ژ (150) خێزاناینە ئەم ل ڤێ ناحیێ دئاكنجی نە.
پێشمەرگەیێ شۆرەشا ئیلۆنێ قاسو عەلو ساڤارا گۆت: پشتی ئەڤان روودانا و ئەم ئاكنجیبووین ل ئەڤێ دەڤەرێ مال و ملكێ مە ل شنگال هەمی چوون و حوكمەتا ئیراقێ دەستێ خوە داناسەر و و عەرد و سەنەندێن مەیێن چاندنێ هەمی برن و دراندن و ئەڤە بتنێ یێن مالا مە بەلكو یێن ئەڤان شنگالیێن هەمی بووینە ئاوارە ل باعەردێ و عەردێ مە ل سەر خەلكی بەلاڤەكر و مخابن نوكە ئەم دچینە دەف ئەوان كەسان ئەوێن عەرد و ملكێ مە بری و گوندێ مە سوتی و ئەوێن بووینە بەرپرس و پلەدارێن مە و كەسێن نەخوش مرۆڤ بووینە قوربانی هەر بووینە ئەم، پشتی كەتنا رژێما بەعس ژی ل سالا 2003ێ و ل هەلبژارتنان ژی چەندین ترۆمبێل ئینانە دووڤ خەلكێ گوندێ مە را و ئەم چووینە (تەلەعفەر) و ئەم چووین مە دەنگدان و سەنگ و هێزەكا مەزن مە دا لیستا پارتی دیموكراتی كوردستان و ئەم شیاین هەشت كورسیكان ل جڤاتا پارێزگەها نەینەوا ب دەست خوە ڤە بینین.
هەمان پێشمەرگێ هەر شۆرەشا ئیلۆنێ ئەو ژی گۆت: پشتی سالا 1976 و ل شورەشا گولانێ وی دەمی وەك پێشتر مە ئاماژە پێكری ئەم ل ناحیا باعەدرێ بووین و حەفت كەس دناڤا ل شۆرەشا گۆلانێ ل دەڤەرا مە بوون و چریسكا شۆرەشا 26ی گولانا پێشكەفتن خواز بوون ئەو ژی (وەلاتی، خالد بانی، ئەبو عەلو، ئزدین حاول) ل گەل سێ كەسێن دی ل دەڤەرا مە و هەر حەفت كەس نەشیان ئاگرەكی ل شكەفتەكێ هەلكەن هندی هەوالێگری و كەسێن نەفس نزم ب دیڤ ڤە بوون و دەنگو باسێن وا دگەهاندە حوكمەتێ و سالەك و هەشت هەیڤان نانێ ئەڤان لژنا ناوچا دهۆكێ ژ مالا مە بوو و ئەڤان گەلەك چالاكیێن لەشكری ل دەڤەرێ ئەنجام د دان وی دەمی هاتن بەرپرسێ حزبا بەعس ل دەڤەرێ كوشتن، ئەگەر هەر شەڤ نەهاتبان ئەڤەكێ نە ئیكێ ئەف پێشمەرگە دهاتنە مالا مە و هەر تشتەكێ پێدڤی پێ هەبا بۆ دهاتەدابینكرن، هەمان دەم گەلەك دیفچوون ژلایێ رژێما بەعس ڤە ل سەر مالێن مە هەبوون و هەتا جارەكێ ئێكێ نەخوش بوو و درەنگی شەڤ من گەهاندە دەف د. (خەیری) و چارەسەری یا وی كر و ئەم نەوێریان ب رۆژ بەینە نوژداری چونكە ئەم گەلەك ترسیاین ژ رەشەكێن دوژمنی.
پێشمەرگەیێ شۆرەشا ئیلۆن قاسو عەلو ساڤارا گۆتژی: بتنێ رۆژەكێ مە حەفت جارا مالا خوە باركر، توپ دهاتنە مە و ئەم نەشیاین نانی بخوین
هەمان پێشمەرگە گۆت: ل سەرهلدانا پیرۆز مە چەكێ شەرەفێ هەلگرت و پشكدار بووین هەتا ئێسفنێ ئەم چووین و دەڤەر هاتە پاقژكرن.
ل دووماهیێ قاسو عەلو ساڤارا پێشمەرگێ شورەشا ئیلونا مەزن ئەو ژی گۆت: داخاز دكەین كەسێن عەقل خودێ ب سترینت و بێ عاقل خودێ ب صلحینت و خودێ تفاقێ دناڤبەرا هەمی هێز و ئالیێن كوردستانێ دا دروست بكەت، بلا بەز بیت تالان و كوشتن و رەڤین و دەردەسەری و بلا دەستێ خوە دفەقیر و ژارا دابینین و مووچێ بوومە هاتیەدابینكرن باوەركە بهایێ چا مە نا دەركەڤیت یا هەیڤانە
