ئەز یێ قەلسم و زوی ب زوی ھۆزانان نادەمە سترانبێژان
ھەرھین محەمەد:
ھەلبەستڤان لائیق کورێمەی د دیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: نوکە مژوولی کلیپکرنا ھەلبەستەکێ مە کو بناڤێ (باب) و ل دوبان ستودیۆ ھاتیە تۆمارکرن ئارەنجورئەندازیاریا دەنگی محەمەد عزەت ماسترینک دەزگەھێ دوبان ومۆزیک ژێگر کزۆی و دەرھێنان نیھاد جیھاد کلیپ ژ وێنەکرنێ ب دووماھی ھاتیە و نوکە د قووناغا مۆنتاژێ دایە و ژڤانە ل نێزیک بھێتە بەلاڤکرن.
لائیقی گۆتژی: ناڤەرۆکا ڤێ کلیپێ ل سەر ئەوان کەسانە یێن کو یا ژ دەست دای ھێزا مەزنا ل پشت ھەر مرۆڤەکی بابە و دەردێ ژدەست دانا بابێ دەردەکێ گرانە و کومەکا ھەلبەستێن من بەری نوکە چێکرین تایبەتمەندبووینە و ھەرئێک دوارەکی دا و دووماھیک ھەلبەست من کلیپکری بناڤێ (دایەگیان) و ئەو ھەلبەستە ژی ل سەر ئەوان کەسان بوویە یێن کو دایکا خوە ژدەست داین.
گۆت: خوگونجاندن ل گەل ھەر سەردەمەکی ژ پێدڤیانە و نڤیسەر و رەوشەنبیرو ھونەرمەندێن مە خوە ب گونجینن ل گەل سەردەمی و ئەگەر یا نەخوەش بیت ژی راستیەکە و دڤێت نەڤەشێرین و ئەڤ رۆ خاندەڤان و خەلکێ مە یێ خاڤە د خاندنێ دا ، لەورا د نەچارین خوە ب گونجینین ل گەل قوناغێن تومارکرنێ دا و دەمەکێ درێژە مە ئەڤ شوپە بوراندی و و ھندەک ھەڤالان ژی بەری مە دەست پێکربوو و قوناغا دووڤداژی قوناغا گوە لێبوون و دیتنێ یە و ژبلی تەمارکرنی َقونا غا کلیپکرنێ یە و ئەڤ کاروانە مە، مەشاندیە و ئەم ب ئەرکەکێ گرنگ و پێدڤی دبینین ب ھەر رەنگەکی خزمەت و گەھاندنا پەیامێ بکەین و ئەز ئەڤێ چەندێ گرنگ دبینم، لەورا کارتێکرنا وێ یا ھەی و ئەڤرۆ ب رێکا سوشیال میدیایێ و تیڤیان زویتر پەیام دگەھیت ژبەر ئەڤێ چەندێ مە خوە د ئەڤی بواری دا یا خوە دیتی و ئەوا ژ مە بھێت ئەم دێ کەین و کار دێ ل سەر کەین دا کو بەردەوامیێ بدەینە ئەڤی کاروانی و ئەز باوەردکەم دەنگێ وی زویتر دگەھیت ژ خواندەڤانی، چونکو دەمی َکلیپەکا ە دکەڤیتە دسوشیالی َدا پتر رەنگڤەدانا خو ھەیە ژ پەر توکەکا بھێتە چاپکرن و خاندەڤانی َمە ژی ئەڤرۆ یێ تایبەتمەندە ھەلبەت چ بھێتە نڤیسین، یان چ بھێتە تومارکرن ، یان کلیپکرن ھەرئێکی رەنگە حەزژێکەرێن خوە ھەبن و ھەرئێکی ژی تام و چیژەکا تایبەت ھەیە ژ بۆ گەھاندنێ، بەلێ یا ئەز گرن و ب کاری َخوە دزانم ئەز ھەلبەستێ بنڤیسم
دوارێ کو ئەز ھەلبەستا بدەمە سترانبێژان ئەز پیچەکێ یێ قەلسم و زوی ب زوی من دەرگەھێ چ ھونەرمەندو سترانبێژان نە قوتایە کو ئەز بێژمێ وەرن دا ئەز ھەلبەستەکێ بدەمە ھەوە و دبیت من ھندەک دەنگ ھەبن من حەزژێکربن و ھندەک سترانبێژێن تایبەت ھەبن و چووبیتە دسەری َمن دا و بچم دەرگەھێ ئەوان ب قوتم و ب دفن بلندی ژ من نەوەرگرن و زوی ب زوی نەشیایمە ئەوێ چەندێ بکەم و من رێز ھەیە بۆ ھەموو کەسێن خزمەتا سترانێ کری و پتریا وان ژی ھەڤالێن من یێن نێزیکن.
