هاژە غە‌فۆر: كاركرن دناڤ راگەهاندنێ دا قوربانیدان پێ دڤێت
موسا خالد:
مەدیاكار (هاژە غە‌فۆر) د دیدارە‌كێ دا بۆ رۆژناما ئە‌ڤرۆ گۆت: ئە‌ز ل سلێمانیێ ژدایكبوویمە و ل سالا (2012) چوویمە د بۆاری راگەهاندنێ و هەتا نوكە یا بەردەوامم و وەك بێژەر و پێشكێشكار ل دە‌زگەهێ میدیایی كوردستان(24) كاردكە‌م وەك بێژەرا هەوالێن ئابووری و پێشكشكارا بەرنامێ سپێده‌یا (24) من ئەزموونا كارێ میدیایێ ژ دۆبلاژ و رادیۆیێ دەستپێكر بە‌شداریكرنا خۆلەكا نێڤدەولە‌تی و راهێنان د بۆارێ میدیا و پرسێن هە‌ستیاردا، ل سالا (2015) هە‌ر ژ دە‌ستپێكا ڤی كە‌نالی دەستبكاربووم وەك پەیامنێر و هەوالساز.
هەروەسا گۆت: كاركرن ل ناڤ میدیایێ دا قوربانیدان پێ دڤێت ئە‌گە‌ر ب شێوەیەكێ ئەكادیمی كار بكەی ماندیبوونا بهێزو باوە‌ری دڤێت چونكو زۆر نە‌خۆشی و ئا‌ستە‌نگ تێدا من دە‌ڕبازكرن، نوكە بە‌ردەوام كاردكە‌م وەك هە‌ستە‌ك بە‌رپرسایە‌تی بە‌رامبە‌ر كاڕی و كۆمە‌لگە‌هێ چونكو هەموو كارێن میدیاكاران بە‌رپرسایە‌تیە بە‌رامبە‌ر كۆمه‌لگە‌هێ، د نوكەدا رۆلێ ژنان دناڤ میدیایێ دا زۆر كاریگە‌رە، بەلێ وێ چەندێ ناڤە‌شێرم دلگرانم ژ رۆلێ ئافرە‌تان چونكو هە‌ر یێ كێمە ئە‌ڤە ڤە‌دگڕیت بۆ وێ چەندێ ئافرە‌ت هەم دایكا كۆمەڵگە‌هێ یە، هەم دایكا پە‌روە‌ردە‌یێ یە و راگەهاندن دەسهە‌لاتە‌كا كاریگە‌ر و دیار و بە‌رپرسایە‌تیە بە‌رامبە‌ر كۆمە‌ڵگەها نوكە و پاشە‌رۆژێ دا، ب بۆچوونا من دڤێت راگەهاندن لژێر یاسا و پرە‌نسیپێن گشت بە‌هاێن كۆمەلایە‌تی كـار بكـەت.
