دیدارا نەورۆزێ یا هەلبەستێ6
شاكر ئەتروشی:
ب هەلكەفتا ئاهەنگێن ئادار و نەورۆزێ و سەرهلدانێ ب چاڤدێریا (د. عەلی تەتەر) پارێزگەرێ دهۆكێ، ئێكەتیا نڤیسەرێن كورد/تایێ دهۆكێ، ئەڤرۆ رۆژا چارشەمبی، رێكەفتی 6/3 دێ دیدارا نەورۆزێ یا هەلبەستێ 6 ل هولا نڤیسەران گێڕیت و بۆ دەمێ دو رۆژان دێ یا بەردەوام بیت.
بەرنامێ ئەڤرۆ ل دەمژمێر دەهی سپێدێ دێ ل هولا نڤیسەران دەستپێكەت و پشتی خواندنا پەیڤا چاڤدیرێ دیداری و ئێكەتیا نڤیسەران دێ هژمارەكا هەلبەستڤانان ب خواندنا چەند هەلبەستێن خوە كو پتریا وان دێ گرێدای بیرەوەریێن ئادار و نەورۆز و سەرهلدانێ بن هولێ شارینن، هەر ئەڤرۆ ل دەمژمێر پێنجی ئێڤاری دێ كۆرەكێ دی یێ هەلبەستخواندنێ ل هولا رێڤەبەریا رەوشەنبیری و هونەری ل قەزا سێمێلێ و سوبەهی ل دەمژمێر یازدەی بەری نیڤرۆ ل هولا وەرزش و لاوان ل قەزا شێخان دێ كۆرەكێ دی یێ هەلبەستخواندنێ هێتە پێشكێشكرن و هەلبەستڤانێن پشكدار دڤێ دیدارێ دا دێ ژ دهۆك و زاخۆ و ئاكرێ و ئامێدیێ و موسل و بەغدا و باكۆر و رۆژئاڤا و رۆژهەلاتێ كوردستانێ بن.
