داكو ژیانێ جوانتر ببینیت كەڤال هەلبژارتن
سولین سلێمان:
شێوەكارا گەنج (ناز ئەحمەد) كو ژ پارێزگەها كەركووكێ یە، د دیدارەكێ دا بۆ رۆژناما ئەڤرۆ دیاركر كو ئەو ژ دایكبوویا سالا (1994) یە و دژیەكێ بچووكدا حەزا چێكرنا كەڤالان ل دەف پەیدابوویە و هەتا نوكە یا بەردەوامە.
نازێ گۆت: ئەز دشێم بێژم ل سالا (2019) من ب دروست دەستپێكریە و ل وی دەمی من وێنە ب خامێ رساسی چێدكرن، پشتی دەمەكی من دەستدا رەنگان و هەتا نوكە یا بەردەوامم و دلخۆشم ب كەڤالێن خوە و ئەز دبێژم هەر ئافرەتەكا حەزا چێكرنا كەڤالان هەبیت و هەكە خودان ئیرادە بیت و یا بەردەوام بیت دێ شێت ب سەركەڤیت و رۆلێ خوە د پێشڤەبرنا هونەری دا گێڕیت و داكو ژیانێ جوانتر ببینم من چێكرنا كەڤالان هەلبژارت، چنكو دێ شێم ب وێ رێكێ نەخۆشیێن ژیانێ نیشادەم، لەورا ناڤەرۆكا پتریا كەڤالێن من ل دۆر ژین و ژیارا ئافرەتانە، چنكو پتریا جوانیێن دونیایێ د ئافرەتێ دا كۆم بووینە، بۆ زانین هەتا نوكە من دو پێشانگەهێن تایبەت ڤەكرینە و ل دەمەكێ نێزیكێ دێ ئێكا دی ژی ڤەكەم.
