مەدیاكارەك: مە نێزیكی (40) خانیان بۆ مالباتێن هەژار دابینكرینە
شاكر ئەتروشی:
مەدیاكار (محەمەد شوشی) د دیدارەكێ دا بۆ رۆژناما ئەڤرۆ گۆت: دژیەكێ بچووكدا من حەزا كاركرنێ دبۆارێ راگەهاندنێ هەبوو، پشتی ل سالا (2009) دەلیڤە هاتی من دەست ب چێكرنا هندەك دكیۆمەنتاریان كر، ل (2013) چوومە كەنالێ وار تیڤی، د دووڤدا رادیۆیا وار و ل (2015) ئەز چوومە كەنالێ رووداو و ل وان هەردو كەنالان من پرۆدوسەریا نۆچەیێن سیاسی، هەروەسا یێن ئابۆری دكر و ل رادیۆیا وار من بەرنامەیەك ژی هەبوو، ل (2020) ئەز چوومە دەزگەهێ بارزانی یێ خێرخوازی، هەروەسا كەنالێ كوردستان (24) و هەتا نوكە یێ بەردەوامم.
زێدەتر گۆت: كارێ من ل كەنالێ كوردستان (24) كو یێ تایبەتە د هەیڤا رەمەزانێ دا، نوكە ئەز پرۆدۆسەر و پێشكێشكارێ (بەرنامێ نۆژین) م، ئەڤ بەرنامە یێ سەرتاسەری یە، ژ زاخۆ هەتا خانقین و ئەم دشێین بێژین بەرنامەیەكێ خێرخوازی یە ئەم رادبین ب نۆژەنكرن و سەخبێركرن و كڕینا خانیان بۆ مالباتێن هەژار و دەستكورت و هەتا نوكە نێزیكی (40) خانیان مە بۆ وان دابینكرینە، هەروەسا ئەم هەموو پێدڤیێن ناڤمالێ ژی بۆ دابین دكەن و هەكە نەخۆش ژی دمالێ دا هەبن ئەم دبەینە دەف نۆشداران و دهێتە چارەسەركرن و هەر چەندە ئەز ب خوە ژی كرێدارم، لێ دەمێ ئەم كلیلێن هەر خانیەكی پێشكێشی خودانێ وی دكەین ئەز هەست پێ دكەم كو ئەڤە خانیێ منە و گەلەك پێ دلخۆش دبم، لەورا دێ ل سەر ڤێ رێبازێ د بەردەوام بین.
