ئەڤ سالە ئەم شیاین دلێ زاڕۆیان ژی خۆش بكەین
هەرهین محەمەد:
فەرهاد زیاد، پێشكێشكارێ بەرنامێ (هۆز و بەرهۆز) ل كەنالێ دهۆك تیڤی، د دیدارەكێ دا بۆ رۆژناما ئەڤرۆ گۆت: ئەڤە بۆ دەمێ سێ سالانە ئەز ڤی بەرنامەی پێشكێش دكەم و سیستەمێ وی هەروەكو خوە یە 85% بەرنامە خێرخۆازی یە و ئەڤ چەندا دی دمینیت دناڤ گوندی دا دگەڕیێن و پترخەلكی دنیاسین و ئەز دبینم سال بۆ سالێ بەرنامە باشتر لێ دهێت، ژبەركو سالانە بۆ من سەربۆر چێدبن و خەلك ژی پتر حەزژێ دكەن و پتر خوە تێدا دبینن.
هەروەسا گۆت: سالانە ب تنێ د هەیڤا رەمەزانێ دا ئەڤ بەرنامە دهێتە پێشكێشكرن و تشتێ خۆش ئەوە دیتنا خەلكی و زارۆیایە و د ئەڤ سالە دا ئەم شیاین رۆژانە دلێ زارۆیان ب كڕینا جلكان خۆش بكەین، هەروەسا تشتێ زێدە خۆش بۆ من ئەوە تەخا دانعەمرانە ژی دەمێ ئەز ب ئەڤی ژیێ بچووك ڤە سەرەدەریەكا وەسا ل گەل من دكەن هەچەكو ئەز ل ژیێ وانا ئەو ژی بۆ من دزڤریت من وەسا یا خوە نیشا خەلكی دای خوە ل گەل مەزنان ب گونجینن و دەمێ ئەو سوحبەتا ل گەل من دكەن وەسا هزردكەن كو ئەز ژی ل ژیێ وانم، بۆ زانین بەرنامە خێرخۆازی یە و هندەك بڕگە و بابەتێن دی هەنە.
