ئافرەتان پێگەهەكێ باش د ناڤ كارێ راگەهاندنێ دا هەیە
موسا خالد:
دلسوز عەبدوللا، بێژەر و پێشكێشكار ل دەزگەهێ سەتەلایتا كوردستان، د دیدارەكێ دا بۆ رۆژناما ئەڤرۆ گۆت: ئەز خەلكا قەزا رانیامە، نوزدە سالن وەك ماموستایا زمانێ ئنگلیزی و بیست سالن ل دەزگەهێ سەتەلایتا كوردستان وەك بێژەرا دەنگوباسێن سیاسی، هەروەسا پێشكێشكارا بەرنامەیێن سیاسی و جڤاكی و چەند بەرنامەیێن دی كاردكەم و بەری وی دەمی ژی ل گەل هەڤژینێ خوە من ل رادیۆیێ كاركریە.
هەروەسا گۆت: ب دیتنا من نوكە ئافرەتان پێگەهەكێ باش یێ دناڤ كارێ راگەهاندنێ دا هەی و شیایە هەڤسەنگیەكا گەلەك باش پەیدا بكەت و راگەهاندنێ ئەز فێری ئەزمۆنەكا باشكرم و راگەهاندن جیهانەكا گەلەك مەزنە، لەورا ئەو كەسێن د راگەهاندنێ دا كاردكەن دڤێت ئاستێ هشیاریا وی یێ باش بیت و یێ پری پێزانین بیت، هەروەسا وەك شیان چو جوداهی دناڤبەرا مەدیاكارێن نێر و مێ دا نینن و ئەڤ كارە بۆ من گەلەكێ پیرۆزە و هیڤیا من ئەوە وەك مەدیاكار هەروەسا وەك ماموستا ژی بشێم خزمەتا مللەتێ خوە بكەم.
