هەیبەتا داعش ل كوبانێ هاتە شكاندن
ديدار، سالار محةمةد دؤسكى:
3-5
ئەوا شەرڤانا گۆت سەركردە دڤێت ماوێ (50) مەترا ئەم بكەینە غار و بلەز بچین چونكە قەناسێن داعش نێزیكن و رەنگە ئەم ب ساناهی نەشێین دەربازبین و ژ دەستا قورتال نەبین، من گۆتێ ناكەمە غار هەما هین هەرن ئەز دێ هێم و هەمی یا كرە غار و دووڤ دا چووم و پاشان دەبابەكێ ل دەرگەهی دا یا داعش بوو و دووڤ دا ب سلامەتی گەهشتین و هەر هەمی هاتنە بەراهی یا مە و ئەم ماچی كرین و چوومە بارەگایێ یەپەكێ و من گۆتێ من بگەهینە جەبهێن شەری وی گۆت دڤێـت تو خوە بچەمینی چونكە ئەم هەر دو دناڤ ئێك داینە و بتنێ دەردورێن یەپەكێ 800 ب 750 مەتر مابوون و جیهازەك دەستێ مە دابوو ئاخفتێن داعش ژی مە وەردگرتن و ئەوا زانیاری هەبوون كو لڤینەكا دروست بیت و سەنگەرێ گشتیێ شەر تێدا دهاتەكرن وەكی کڤانەكێ بوو، وسەنگەر هەمی نەبوو 30 خولەك و ئێكسەر دا گەهی یە جهێ ڤە و ئێكسەر من ئەفسەر بەلاڤەكرن و مە جهێن خوە دیتن و مە توب بەلاڤەكرن و هەتا ئێڤاری ماین و ئەم 30/10 مەغرەب ڤەگەریانە دناڤا ئاخا توركیا دا ڤە و هەر لەشكرێ توركیا گۆت دێ كەنگی چن مە نەگۆتێ و هەتا من نەگۆتە ئەفسەرێن خوە ژی و من گۆتێ ئەز هێزا پێشمەرگەی ب ڤی چەكێ گران و (60) ترۆمبێلان ڤە دڤێ رێكێ را نابەم، مرۆڤێن كەنە غار نەشێن دەربازبن و هەمان دەم جەنابێ سەرۆك (مەسعود بارزانی) ل سەر پەیوەندیێ یە و داخاز دكەت بلەز بچینە دناڤ كوبانێ دا چونكە هێزێن داعش دپێشڤەچوونێ دا بووینە و گاڤ بۆ گاڤێ سنورێن یەپەكێ یێ بچوویك دبن و چەكێ وانێ كێم دبیت، من گۆتە سەركردیێ گشتیێ لەشكریێ وەلاتێ توركیا ل دەڤەرێ ئەز ڤێ رێكێ را ناچم وی گۆت دێ كومبوونەكێ كەین وكومبوون مە ئەنجام دا والیێن (ئورفایێ، غازی عنتاب، ماردین)ێ ل گەل حەفت سەركردە وفەیلەق و دو سەركردێن مەزنێن لەشكری ئینان و مە كومبوون كر و ئەوا گۆت بۆچی ناچی من گۆتێ داعش 100 مەترا یا دویرە دێ چەوا ڤێ هێزا مەزن ل گەل (60) ترۆمبێلان دەربازكەم؟ وی گۆت ئەڤە دەرگەهـ پا دڤێت وێرا بچی من گۆتێ ناچم و دێ بخوە سەحكمە جهەكێ دی بلا خوسارەتیێ ژی بدەم و من هەر ناڤێ جەنابێ سەرۆك(مەسعود بارزانی) تینا و ل گەل ناڤ ئینا جەنابێ سەرۆكی ئەو عاجز دبوون و من گۆتێ بەرپرسم ژڤێ هێزێ و من كومبوون ل گەل هەوپەیمانا و بەرپرسێن هەوە ل ئەنقرە ژی كرینە و ئەڤە ب كەیفا من و هەوە نابیت و من گۆتێ جەنابێ سەرۆك (مەسعود بارزانی) راسپاردی مە و بەرپرسم ژڤێ هێزێ و كومبوونا مە سێ دەمژمێرا ڤەكێشا و ژ دەمژمێر 12 شەڤێ هەتا 3 ی شەڤێ و بێ ئەنجام ب دووماهی هات و ئەز ل بەرنەهاتم و یێ رژد بووم كو ئەز وی دەرگەهی را ناچم بۆ سپێدە و نێزیكی دەمژمێر 10 بوو و هەمان دەم یەپەكە یا بەردەوام د پەیوەندیێ دا زویكا بگەهنە مە ئەم ب دووماهی هاتین و بوومن (ناقلە) ئینا و بەر سیمەی دا دەربازبووم و من ئاوارە ل كوژیێ بنی دیتن و نێزیكی (2000) هزار ئاوارانە و هەمی ترۆمبێلێن خوە ئیناینە دەڤەرێ و بن ترۆمبێلا تابی دروست كرینە و گەهشتمە بەرامبەر وا هەمی یا گۆت (بارزانی بارزانی) و هەمی یێ چاڤەرێی هاتنا پێشمەرگەیێ كوردستانێ دكەن و تەورا وان بچین و من گۆتێ بهێنا خوە فرەهـ بكەن دێ تەوا را واهێم، ل راستا ئاوارا تەنشت سیمەی و گەلەك یێ بلند بوو من دو بەردانانە سەر ئێك بتنێ ترۆمبێل تێدا بوریت و بتنێ زەڤیەك دناڤبەرا ئاخا توركیا و كوبانێ دایە و من گۆتە وەرگێری تە ئەو بەر دیتن گۆت بەلێ من گۆتێ هەتا 12ی نیڤرۆ ئەڤرۆ بوومن وی سیمەی ڤەكەن وببڕن و گەل هێزێن مە چوونە ناڤ سوریێ وەرن سیمێ خوە بگرن گۆت بخودێ دێ هەوە هەمی یا كەنە دناڤ بەتەنیا و ئینە ڤە من گۆتێ بلا، وەرگێری گۆت دێ چەوا توركیا گوهداری یا تەكەت و سیمێ خوە ببریت من گۆتێ بخودێ ڤێت ببریت و زڤریم و ئەڤە رۆژا 31/10/ دووبارە گازی هەمی سەركردێن لەشكری هاتەكرن و گۆت تە چ گۆت من گۆتێ فلان جهی بوومن سیمەی ڤەكەن دا هێزێن خوە داخلی كوبانێ بكەم گۆت دێ مینە دناڤ دا من گۆتێ ئەز دێ چم دا مینمە دناڤ دا و عاجز بووم و گۆت دێ چەوا سیمەی برین و نەهالەك بوو و من گۆتێ وێ نەهالێ ژی راست كەن گۆت نە دێ بووتە جادەكا سەرەكی بەینە وێرێ ب عاجزی ڤە گۆت و من گۆتێ وە بڤێت نەڤێت ڤێ چێ كەن و هندەك جاران تورە بوون و دەستێن خوە مێزێ دان گۆت تو چەندێ سەر رەقی من گۆتێ فەرمانا جەنابێ سەرۆك (مەسعود بارزانی) یە و گۆتیە دڤێت خوین ژ تلا چ پێشمەرگا نەهێت و دڤێت ئەڤ پێشمەرگە ب سەلامەتی بچنە ناڤ كوبانێ دا وەكی دی هەوە شولە ژ مە نینە و عاجزبوون و دەركەفتن و پشتی دو دومژمێران گەهشتە دەمژمێر( ٥)ی ئێڤاری مە دیت سیمە بڕی و گۆت دێ كەنگی چی من گۆتێ نابێژم هەما گاڤا گێولێ مە لێدا دێ چین بۆ دەمژمێر 8 من ئەفسەرێن خوە كومكرن و كومبوونەك پێكر وهەمی ئەفسەرێن باش بوون و هەر (5) ترۆمبێلا ئەفسەرەك من دانا وەك پلانا لەشكری من بەلاڤە كربوون و من گۆتێ دێ بەرا هەوە چم و من گۆتێ دناڤبەرا هەر ترۆمبێلێ بۆ ترۆمبێلێ (50) مەتر و دێ مەپەیوەندی ل گەل ئێك هەبیت و دڤێت مە ئاگەهـ ژ خوە هەبیت .
