لڤینێن لەشی سەمایێ دیار دكەن
هەرهین محەمەد:
فەرشید رۆژهەلاتی، ئەندامێ تیپا سنە یا سەمایێ ل رۆژهەلاتێ كوردستانێ، د دیدارەكێ دا بۆ رۆژناما ئەڤرۆ گۆت: ئەڤە بیست و حەفت سالن ئەز ئەندامێ تیپا سنەمە یاسەمایێ مە و بەردەوام راهێنانان ل سەر سەمایێن دەڤەرا خوە دكەین و دبیت سەما هەموو دەڤەران نەزانین، چونكو هەردەڤەرەكێ سەماێن خوە هەنە و دتایبەتن.
هەروەسا گۆت: لڤینێن لەشی سەمایێ دیاردكەن و ژلڤینا دیار دبیت ئەو كیژ جۆرێ سەمایێ یە د گرۆپێ مەیێ سنەدا مە دوازدە جۆرێن سەمایێ هەنە وەكو گەریان و هەلگرتن و سەرچووپی و خانەمیری و مەریوانی و بەرزی بەرزی گەلەكێن دی سەما دەڤەرا سنە و باشۆر دبنەرەت دا وەكو ئێكە ژلایێ لڤینان ڤە، بەلێ ژلایێ جلكان ڤە جوداهی هەیە و هەردەڤەرەكێ جلوبەرگێن تایبەت ب خوە ڤە هەنە و گەلەك حەزدكەین هەكە دەلیڤە هەبیت گرۆپێ مە ل گەل سەماكەرێن باشور كارەكی ئەنجامبدەن وەكو تابلویەكا هونەری، بەلێ ب مخابنی ڤە ئەم سەمایێن بەهدینی نزانین و سەماكەرێن دەڤەرا بەهدینان ژی سەمایێن دەڤەرا مە نوزانن.
