هونەر هزرا مرۆڤی بەرفرەهـ دكەت
موسا خالد:
شێوەكار (سیلاڤ مستەفا) كو نوكە قوتابیە ل زانكۆیا دهۆك/پشكا شێوەكاری، د دیدارەكێ بۆ رۆژناما ئەڤرۆ گۆت: ئەز گەلەك رەنگان بكار دئینم، ب تایبەت ژی رەنگێن زەیتی، ل هەر چارسالێن كولیژێ ئەز گەلەك تشتان ب شێوێ ئەكادیمی فێربووم، هونەر ل دەف من رێكا دەربڕینێ یە ب هزر و هەست و بۆچۆنێن خوە رێكا داهێنان و جوانیێ گەلەك شێوازادا وێنەیان چێدكەم.
هەروەسا گۆت: د هەر چار سالێن كولیژێ دا من پشكداری د چار فەستیڤالان دا كر، دووماهی فەستیڤال بەری چەند رۆژان بوو، ئەز گەلەك حەزژ چێكرنا كەڤالێن سروشتی دكەم، هەروەسا گەلەك گرنگیێ ب كارێ خوە ددەم، چنكو من دڤێت ل پاشەرۆژێ ب ناڤدودەنگببم، هیڤیا من ئەوە گرنگیەكا باشتر ب هونەر و هونەرمەندان بهێتە دان، چنكو ل وەلاتاتێن پێشكەفتی گەلەك گرنگی پێ دهێتە دان، هونەر ئێكە ژوان رێكێن شیانێن هزری و دەروونی كۆ مرۆڤی ئارام دكەت و هونەرە هزارا مرۆڤی بەرفرەه دبیت.
