پێدڤیە زێدەتر گرنگی ب شانۆیێ بهێتە دان
موسا خالد:
شانۆڤان(دوعا مەهدی) كو خەلكا پارێزگەها دهۆكێ یە و نوكە قوتابیە ل قوناغا سێیێ ل پەیمانگەها هونەرێن جوان/پشكا شانۆیێ ل دهۆكێ، د دیدارەكێ دا بۆ رۆژناما ئەڤرۆ گۆت: من وەك ئەكتەر پشكداریا د هژمارەكا شانۆگەریان دا كر و پشتەڤانێن من یێن سەرەكی دایك و بابێ منن.
هەروەسا گۆت: ژبەركو شانۆ هونەرەكێ تایبەتە، گەلەك كچ و ژن حەز دكەن بهێنە دناڤدا، لێ مخابن ژبەر هندەك ئاستەنك و خەلەت تێگەهشتنێ گەلەك ژوان بووینە قوربانی و نەشێن بهێن حەزێن خوە بجه بینن، سەبارەت نووترین كارێ مە ژی نوكە مژوولی شانۆگەریەكێ ینە ئەو ژی دێ هێتە نیشادان و ب دیتنا من ئاستێ شانۆیا كوردی هێدی هێدی یا بەر ب پێشڤە دچیت، لەورا پێدڤیە زێدەتر گرنگی ب شانۆیێ بهێتە دان و ئەم هەموو پێكڤە پشتەڤانبین بۆ پێشڤەبرنا وێ.
