كارێن نوكە دهێنە كرن چو كۆمێدیا تێدا نینە
سولین سلێمان:
ئەكتەرێ بەرنیاس (بەهائەدین هەلەبجەیی) د دیدارەكێ دا بۆ رۆژناما ئەڤرۆ گۆت: دژیەكێ بچووكدا من دڤیا ببمە ئەكتەر و دناڤ شانۆگەری و فلم و درامایان دا كاربكەم، لێ ل سالا (1980) دەلیڤە هات و مە دەستپێكر و نوكە هونەر بوویە هەموو ژیانا من و هندی یێ ساخیم و من شیان هەبن دێ یێ بەردەوامبم و خزمەتا هونەرێ كوردی كەم.
هەروەسا گۆت: سوپاس بۆ خودێ خەونا من بجه هات و ئەز ب هەموو رۆلێن خوە یێ رازیمە و شانازیێ پێ دبەم، بەلێ تشتەكێ دی یێ هەی پێدڤیە بینەر بزانن، ئەو ژی ئەو رۆلێن من گێڕاین رامانا وێ نینە كو ئەز كەسەكێ وەسابم، بەلكو رۆلەكە دەرهێنەری ئەز یێ هەلبژارتیم و ئەز یێ پێ رابوویم، چنكو ئەكتەر دڤێت بشێت ب هەموو رۆلان را ببیت، بۆ زانین كارێن كۆمێدی گەلەك ب زەحمەتن و كارێن نوكە دهێنە كرن چو كۆمێدیا تێدا نینن، چنكو دڤێت ژلایێ سیناریۆ و دەرهێنانێ ڤە باشتر كار بۆ بهێتە كرن.
