ئسرائیل: مە خوە بۆ هەر پێشهاتەکێ بەرهەڤ کریە
پشتی پەقینێن ل لوبنانێ و کوشتنا چەندین ئەندامێن حزبوللا لوبنانێ و برینداربوونا پتر ژ سێ هزار کەسان، حزبوللا لوبنانێ گەف ل ئسرائیلێ کرن و دیار کر ئەو ل هەمبەر ئێرشێن ئسرائیلێ بێدەنگ نامینن و دێ ب توندی بەرسڤا هەر ئێرشەکا ئسرائیلێ دەن.
ل ئالیێ دی وەزارەتا بەرگریێ یا ئسرائیلێ ژی دیار کر، وان خوە بۆ هەر پێشهاتەکێ بەرهەڤ کرینە و هەر ئێرشەک ژی ل باشوورێ لوبنانێ و هەر دەڤەرەکا دی بهێتە سەر ئسرائیلێ، وەکو ئسرائیل ئەو دێ ب توندی بەرسڤا ئێرشان دەن و ژ بۆ پاراستنا وەلاتێ خوە ئەو دێ یا پێدڤی کەن.
چاڤدێرێن سیاسی ژی دیار دکەن، ئێرشا ڤێ دووماهیێ یا ئسرائیلێ نیشا دا، ئسرائیلێ شیایە ب رێیا تەکنولوجیا پێشکەفتی هەڤسەنگیا شەڕی د بەرژەوەندیا خوە دا بگوهۆڕیت و ئەو یەک ژی ژ بۆ نەیارێن ئسرائیلێ مەترسیەکا گەلەک مەزنە، ژ بەر ڤێ یەکێ ژی دبیت ئیران ب رێیا حزبوللا لوبنانێ و گرۆپێن دی یێن چەکدار دەست ب هندەک ئێرشان ل دژی ئسرائیلێ بکەت.
