زمانێ لەشی زانستە بەری كو هونەر بیت
بێوار حەمدی:
راهێنەر و بسپۆرێ زمانێ لەشی (ئدریس حەسەن) د دیدارەكێ دا بۆ رۆژناما ئەڤرۆ گۆت: بێگۆمان ل دەستپێكا ژیانێ و هەتا نوكە مە هەموویان زمانێ لەشی بكارئینایە و هەر ژ زارۆكینیێ ئاماژەیێن زمانێ لەشی ب رێیا هندەك لڤینان بكار دهێت و بەردەوامە ل گەل مرۆڤی.
هەروەسا گۆت: زمانێ لەشی زانستە ژبەری كو هونەر بیت، ژبەركو ئەم رەفتارێن زانستی ل گەلدا دكەین و ل سەرانسەری جیهانێ سەنتەرێن تایبەت هەنە دەربارەی ڤەكولینێن زمانێ لەشی، پتریا مە فێری بكارئینانا ڤی زمانی بووینە، لێ هەر كەسەك ب جۆرەكی و ل دووف شارەزییا خوە بكار دئینیت، گەلەك رێ هەنە كو مرۆڤ فێری زمانێ لەشی ببیت، وەكو خواندنا پرتووكان یان بەرێخودانا لڤینێن مرۆڤان ل جهێن گشتی و پشكداریكرنێ د خۆل و سمیناران دا، ژبەركو مرۆڤی پێدڤی ب سەربۆرەكا درێژ هەیە هەتا فێردبیت، چنكو زمانێ لەشی بیاڤەكێ پراكتیكی یە.
