ماکرۆن هۆشداریێ دده‌ته ئسرائیلێ
ئیمانوێل ماکرۆن سه‌رۆک کۆمارێ فره‌نسا پشتی ئێرشێن ئسرائیلێ بۆ سه‌ر لوبنانێ د په‌یوه‌ندیه‌کا ته‌له‌فۆنی دا هۆشداری دا بنیامین نه‌تا‌نیاهۆ سه‌رۆک وه‌زیرێن ئسرائیلێ و گۆت: (ئێرشێن ڤێ دووماهیێ یێن ئسرائیلێ بۆ سەر لوبنانێ دێ رۆژهەلاتا ناڤین تووشێ شەڕەکێ مەزن کەت و ئەو یەک د بەرژەوەندیا چو وەلاتەکێ دا نینە و دڤێت ئسرائیلێ ئێرشێن خوە بدەتە راگرتن).
ماکرۆنی هەروەسا دیار کر، مخابن د ئەنجاما ئێرشێن ڤێ دووماهیێ یێن ئسرائیلێ دا ب دەهان وەلاتیێن سڤیل بووینە قوربانی و ئەو یەک ژی ب چو رەنگەکێ ناهێتە قەبوول کرن.
ل ئالیێ دی بنیامین نەتانیاهۆ سەرۆک وەزیرێن ئسرائیلێ ژی بەرسڤا ماکرۆنی دا و دیار کر، دڤێت فرەنسا فشارێن خوە ل سەر لوبنانێ و حزبوللاهێ زێدەتر لێ بکەت دا ئەو ئێرشی ئسرائیلێ نەکەن، چونکی ئسرائیل یا نەچارە ل هەمبەر هەر ئێرشەکێ بەرەڤانیێ بکەت و بەرسڤا هەر ئێرشەکێ ژی بدەت، هەتا مەترسی ل سەر ئسرائیلێ هەبن دێ ئسرائیل یا پێدڤی ل هەمبەر حزبوللا لوبنانێ و گرۆپێن دی کەت.
