حەز دكەت جهێ باپیرێ خوە بگرت
سندس سالح سلێڤانەیی:
نورا مزیری، كچەكا ئاكنجیا قەزا بەردەرەشە، بۆ دەمێ چەند سالە ل گەل باپیرێ خوە ب كارێ ب خوادانكرنا مێشێن هنگڤینی رادبیت و حەز دكەت ل پاشەرۆژێ جهێ باپێرێ خوە بگریت و ببیتە مێشەڤانەكا زیرەك و شارەزا.
ناڤهاتیێ بۆ رۆژناما ئەڤرۆ گۆت: ئەڤە پتری پێنجی سالانە باپیرێ من كارێ مێشەڤانیێ دكەت و ئەز ژی ل یەر دەستێ وی فێربوویمە، ب راستی ئەڤ كارە بۆ ئافرەتان یێ ب زەحمەتە، بەلێ یێ خۆشە، لەورا من دڤێت یا بەردەوامبم، هەر چەندە نوكە ئەز قوتابیمە ژی، لێ د هەردو كاران دا دێ یا بەردەوامبم و من باوەریا ب شیانێن خوە هەی وەكو قوتابی هەروەسا وەك كچەكا مێشەڤان ژی دێ ب سەركەڤم، بۆ زانین كچێن مێشەڤان ل دەڤەرا مە نینن و دخوازم دهاریكاربن بۆ هەر كچەكێ بهێتە دناڤ ڤی كاری دا.
