رۆسیا هۆشداریێ ددەتە ئسرائیلێ
پەیڤدارێ سەرۆک کۆماریا رۆسیا دیار کر، ئێرشا ڤێ دووماهیێ یا ئسرائیلێ ل سەر باشوورێ لوبنانێ دێ رۆژهەلاتا ناڤین بەر ب ئالۆزیێن گەلەک مەزن ڤە بەت، دڤێت ئسرائیل هەموو ئێرشێن خوە بدەتە راگرتن، چونکی ژ بەر ئێرشێن ڤێ دووماهیێ یێ ئسرائیلێ هەتا نها گەلەک وەلاتیێن سڤیل بووینە قوربانی و ئەو یەک ژی ب چو رەنگەکێ ناهێتە قەبوول کرن.
دیمیتری پیسکۆڤ ئەو یەک ژی دیار کر، هەکە شەرێ نها بەرفرەهتر لێ بهێت دێ رۆژهەلاتا ناڤین تووشی شەڕەکێ نوو بیت، ئەو یەک ژی گەلەک یا مەترسیدارە و وەکو رۆسیا ئەم ژ رەوشا نها گەلەک دلگرانین، دڤێت ئسرائیل نەبیتە ئەگەرێ شەڕەکێ نوو و مەزن ل دەڤەرێ، ژ بۆ ڤێ یەکێ ژی گرنگە ئسرائیل ئێرشێن خوە یێن ل سەر باشوورێ لوبنانێ بدەتە راگرتن و رێزێ ل سەروەریا ئاخا لوبنانێ بگریت و نەهێلیت رەوشا دەڤەرێ ئالۆزتر لێ بهێت، چونکی هەر شەڕەکێ نوو دێ بیتە ئەگەرێ روودانا کارەساتێن گەلەک مەزن.
