دێ شەڕێ ل گەل رۆسیا ب دووماهی ئینین
سەرۆکێ ئۆکرانیایێ راگەهاند، د ڤان دەمێ دووماهیێ دا لەشکرێ ئۆکرانیایێ شیایە دربێن مەزن ل لەشکرێ رۆسیا بدەت، نها وان شیاینە شەڕی ل هندەک جهان ڤەگۆهێزنە ناڤ ئاخا رۆسیا، ژ بەر ڤێ یەکێ ژی هەڤسەنگیا شەڕی د بەرژەوەندیا ئۆکرانیایێ دا هاتیە گوهۆڕین، لێ ئەو وەسا پێشبینی دکەت د دەمەکێ کورت دا دێ شەڕێ وان ل گەل رۆسیا ب دووماهی هێت.
زیلێنسکی ئەو یەک ژی دیار کر، دڤێت ئەمریکا و وەلاتێن ناتۆ پتر هاریکاریا لەشکرێ ئۆکرانیایێ بکەن، دەمێ ئۆکرانیا بهێزتر لێ بهێت دێ رۆسیا ژی یا نەچار بیت دەست ژ ئێرشێن خوە بەردەت، بهێزبوونا ئۆکرانیایێ دێ پیلانێن رۆسیایێ ژی ژناڤ بەت و دێ رۆسیا نەچار بیت شەڕێ نها ب دووماهی بینیت، وەکو ئۆکرانیا ئەو ناهێلن ئاخا وان ل ژێر کۆنترۆلا رۆسیا دا بیت، دڤێت رۆسیا ژ هەموو ئاخا کو داگیر کریە دەرکەڤیت دا شەڕێ نها ب دووماهی بهێت.
